切切

近來每晚既指定動作就係...



「切切!!」「切切!!」
然後囡囡就會將d玩具倒到一地都係,
要一齊切切, 煎煎!!

囡囡話 (III)

囡囡近來識叫好多人喇! 睇下有無叫到你~

大Bear Bear

Boxing Day去左沙田玩一陣
行行下囡囡突然大叫
"Bear Bear...Bear Bear..."

即刻衝埋去攬住~

不停咁話我知"Bear Bear...Bear Bear..."

仲要兩隻一齊攬!!
攬左好耐, 完全吾捨得走!!

X'mas@迪迪尼

聖誕節去左迪迪尼玩~

一入場就睇巡遊, 今次囡囡識睇喇, 係咁話靚靚, 又同灰姑娘揮手,
不過d飄雪就攪到我地成頭都係泡...

見到mickey同minnie, 囡囡係咁叫"mi..mi..靚靚"
仲第一次要我同佢影相添~

見到餅乾罐就係咁講"食食...呀呀...食食"

玩小小世界既時候, 佢就無乜電, 全程呆呆地...

到睇3d影院, 點知係排隊既時候佢已經瞓著左,
睇完先至醒...

好彩佢鍾意睇獅子王, 睇得勁專心,
吾俾我嘈住佢, 係咁拍手, 最尾仲跳舞添!!

又同minnie影相, 仲kiss kiss佢個鼻!

排隊既時候又周圍撩人玩, 笑到卡卡聲~
我發現今次佢仲有撩d後生既哥哥玩添呀!

之前聽人講過話少出街既bb會好快攰, 原來係真架!
囡囡其實好想玩, 不過能力有限, 玩完一, 兩個景點,
已經無哂電, 但係佢又吾捨得瞓喎, 剩係扭計, 仲一定要我抱,
攪到相又影得少, 我對手又差d斷呀!

雖然吾係玩左好多野, 今日又勁多人,
不過我地都玩得好開心~

Merry Christmas

2008年

今年
Merry Christmas~~

彈琴仔

契媽仔送既聖誕禮物, 囡囡好鍾意~
尤其係張櫈, 成日搬黎搬去自己坐...
而個咪次次只會拎住講句"知知" ,
吾知佢幾時會識得拎住黎唱歌呢!

近來佢會禁下琴仔d demo音樂,
然後跳番part舞, 表演下~
仲會跟beat架喎, 快歌對手就勁fing,
慢歌就會舉起雙手, 個人左右兩邊搖~
我次次都好想拍低佢架,
不過個衰豬一見到我影佢就即刻吾肯跳,
希望遲d可以成功影到啦!

食藥

囡囡越大越驚食藥，次次都要夾住佢先食到，有時佢喊得太勁仲會嘔返哂出黎！真係咩方法都試過，完全無佢符呀！＞.＜

今晚好好笑，當囡囡見到我食藥，即刻勁喊，仲拿走我支藥水想掉左佢，真係俾佢笑死！

囡囡呀！媽媽食藥咋麻，又無人要你食，駛吾駛喊到咁悽涼呀！

豪邁囡囡

睇下囡囡拍手拍到幾豪邁, 我諗呢方面似左我...
吾知佢大個會吾會變左男仔頭呢? 係都無計啦!
佢阿媽我咁man...哈哈

吃蛋撻

又到沖完涼, 下午茶既時間喇~



今日再俾囡囡自己食野先, 就吃蛋撻啦!
好似自從玩左煮飯仔之後, 佢揸匙羹既手勢好左好多,
至少放到野入口, 而跌落地下既野亦少左...

不過囡囡呀~ 自己食好味d架? 你駛吾駛咁多表情呀!
吾好剩係食d蛋又留番塊皮俾我吃啦!!!

草菇頭

爸爸又同囡囡剪頭髮, 今次剪左個草菇頭...

我都係覺得囡囡頭髮長d好睇d,
而家頭髮短左, 個樣傻左, 塊面仲要肥左添!

第一次去Studio影相

除左係囡囡既第一次, 亦係爸爸媽媽既第一次,
吾係因為囡囡, 我諗我地一定吾會去studio影相!

呢間studio既服務都幾好, 影相既時候會有姐姐引囡囡笑,
而影相哥哥知道囡囡驚男人, 全程都無咩出聲,
驚嚇親佢d相會吾靚!

全輯相俾預期中靚, 尤其係全家幅~^^
囡囡總共影左5個look, 真係同佢換衫都換到攰呀!

x'mas look~

沖涼look~

種花look~

讀書look~

扮model look~
而我就最鍾意呢張,因為囡囡個表情真係好攪笑~

煮飯仔

買左盒新既Minnie廚房玩具俾囡囡,
今次設備齊全, 囡囡勁開心呀~
一返到屋企飯都吾想食就想即刻開黎玩,
緊係吾得啦,點都要沖埋個涼先玩得架麻~

等左好耐, 終於玩得喇!!

煎下...

攪下...



係咁攪呀...攪呀....
半個鐘之後...

開餐喇!!

囡囡玩左2個鐘都仲玩緊, 完全無轉過玩具,
第一次見佢係咁咋~

1歲半

囡囡1歲半喇!

今日同囡囡去健康院檢查,
而家囡囡90cm高,14.2kg重,
全部超過哂歲半既標準,
呢個係2歲先應該有既身高同體重,
姑娘都問佢食咩食到咁大隻...哈哈

我幾驚吾啱標準又要去見醫生,
好彩囡囡既身高同體重都ok,
只係大碼b, 吾係超磅b, 安樂哂~

姑娘叫我地同佢講多d真實話,
吾好講食mum mum, 要講食飯, 食橙咁喎~
仲叫我地買d煮飯仔同佢玩, 等佢識多d食物,
咁我地緊係即刻走去買啦!

囡囡原來除左鍾意食, 仲好鍾意玩煮飯仔架!
教佢切蘋果, 佢就係咁講切,切,切...
煎pan cake又係咁叫煎..煎..哇...
玩左成晚, 真係好開心呀~^^

時間

點解同囡囡一齊既時間過得特別快既！
玩下玩具，唱下歌仔，食下飯仔，瞓下覺豬，笑下傻豬，鬧下衰豬，
話咁快就天黑，又放完假，又要等下個周末喇！

sir滑梯

囡囡去到公園, 好多野吾係吾識玩, 就係吾敢玩,
最叻就係sir滑梯, 仲越玩越high添~



難為表姐係咁抱佢上去, 一定好攰啦! 辛苦哂! ^^

證件相

諗住同囡囡影證件相, 點知佢一見到個鏡頭竟然...


仲越笑越肉緊, 真係俾佢笑c~


好彩都有張正經d既, 至少都睇到五官, 哈哈~

食薯條

係海洋公園最開心既時候就係...食薯條..
囡囡好鍾意食茄汁,睇佢食得幾滋味^^

海洋公園遊

諗住同囡囡去海洋公園睇下魚魚同熊貓,
點知佢由頭驚到落尾!
水母又驚, 魚就剩係睇相, 吾肯望真既...
熊貓叫好d, 不過都無咩興趣, 去到兒童世界就剩係肯玩滑梯...
阿囡, 駛咁多錢黎玩滑梯, 早知去普通公園好過啦!
我諗海洋公園都仲未啱佢玩, 都係去迪迪尼開心d...

點解呢度d野咁驚既! 仲有咩睇架?

bb車

囡囡近排出街行一陣就要抱, 又吾鍾意坐bb車,
仲剩係要我抱...
囡囡又吾係輕, 真係抱佢抱到手都震哂!
而家要搵d野俾佢. 仲一定要佢鍾意既野,
好似糖或者果汁, 佢先肯坐番車...

睇佢果樣幾得戚!

笑到咳

次次扮怪獸行去囡囡度, 佢都會笑得好開心~
今晚又笑到咳喇! 哈哈~

而家同囡囡拍片好難, 只可以偷拍,
俾佢見到就會搶左部相機要自己影,
吾俾佢又發爛, 攪到乜都影吾到...=.=

玩糖

囡囡呀,粒糖好好玩咩? 仲玩得咁開心!
eeeee....你好污漕呀!

小朋友真係好, 少少野就可以好開心!
所以我都無阻止佢~ hehe

囡囡話 (II)

媽媽:「囡囡, 知吾知道?」
囡囡:「知~」

媽媽:「囡囡, 食吾食?」
囡囡:「直~」

媽媽好惡咁鬧:「喂, 吾準呀!」
囡囡喊哂咁答:「吾係呀!!」

囡囡見到狗狗或一定會叫:「wuu...wuu...」
媽媽就一定要答:「係呀, woo woo狗呀!」

囡囡一拎住個電話:「eeee爸!」
媽媽:「係呀, 姨媽呀!」

囡囡拎起支水:「bar!」
我地就要求其拎d野同佢碰杯, 講:「飲杯!」

囡囡次次做錯野就會指指自己, 望住我地講:「曳曳!」
之後就會當無事發生過...=.=

不過, 囡囡識講既野真係好少...
剩係識講1同5, 英文就剩係得E同G,
我諗因為E=姨, G=知, 佢先記得啦~

跳跳舞@Playgroup

今堂playgroup, 囡囡玩得好投入,
睇佢跳舞跳得幾開心~

打琴

囡囡打琴打得好大聲呀!
我扮驚驚, 佢見到我個樣反而好開心,
仲笑到卡卡聲添!



跟住佢越打越大力, 一打吾啱個位就拋棍,
之後又要自己試多次! 玩左好耐先肯收手...

今晚真係.....好嘈.....哈哈~

都係買呢類琴俾佢好d, 之前個電子琴,
玩一陣就俾佢打壞左喇!
想搵番以前細個玩果d木琴仔, 不過就搵極都搵吾到,
可能而家科技先進, d老土野吾再出啦!

上樓梯

平時一定要人拖住先肯上樓梯既囡囡,
而家終於肯自己爬去喇! 爬爬下仲同我bye bye添!
不過佢仲未肯自己落樓梯,
次次都會話驚驚, 要我地抱抱!
其實囡囡細膽都有好處架, 我地吾駛咁驚佢會整親,
因為全屋最危險既地方, 就係條樓梯喇!

自己吹波波

囡囡自己吹波波, 每次吹完都要叫聲 "哇..." 黎讚下自己,
不過個傻豬越吹越埋, 攪到成個唇邊都係泡, 好彩無肚痛咋!

後來有個靚仔走埋黎玩, 囡囡係咁想俾人吹, 追住人地,
嚇到個靚仔走都走吾切...
囡囡你女仔黎架, 吾好咁熱情啦!

草地都驚??

諗住同囡囡去公園草地度跑下, 點個個女去到一步都吾肯行,
企左係度郁都吾肯郁, 我諗佢都係驚d草拮腳啦...



有d小朋友走埋黎玩, 睇下囡囡笑得幾開心,
不過佢都只係原地企, 吾肯郁喎~

玩左好耐, 囡囡好似刻服左d草, 終於肯行下跑下,
點知佢跑左一陣就即刻扒地, 攪到成手泥,
之後緊係吾肯再行啦!

玩車仔

細膽既囡囡, 今晚終於肯玩下車仔喇~

架車吾駛剩係俾囡囡禁d音樂黎聽, 終於可以行下喇...
不過佢仲未敢自己行, 要爸爸推下推下,
慢慢先無咁驚咋~

點蟲蟲

「點蟲蟲~ 蟲蟲飛~」

次次同囡囡玩點蟲蟲, 佢都會笑得好開心~
不過我地吾係用手指玩, 係用蟲蟲公仔玩~ 哈哈~

囡囡, 拖住啦!!!

呢位小朋友, 行街吾肯拖住大人, 又周圍撩人,
攪到我要成日係街度叫住佢或者拉住佢,
一係就好似阿四咁跟到實...
講又吾理, 鬧又吾聽, 激c人,
好彩佢仲驚男人, 吾係真係驚會俾人捉左佢呀~

囡囡手上既玩具, 近來見好多小朋友揸住,
原來又幾好玩架喎~
Fing下Fing下, 又識閃燈, 價錢仲要好平,
我同爸爸自己都玩左好耐,哈哈~

玩具

吾知點解, 我個女會吾鍾意玩玩具,
除左個電子琴, 好多野都吾係點玩,
最鍾意就係要d大人同佢玩...

不過今日係反斗城, 囡囡好鍾意呢個小童電腦,
玩左好耐都吾願走, 但我同爸爸都覺得佢仲未識得玩,
睇佢剩係禁個keyboard同mouse,
個monitor望都吾望下就知啦~

中秋節

中秋佳節, 例牌買個燈籠俾囡囡,
不過囡囡都係無咩點玩過,
佢剩係對d雪糕月餅有興趣...

吾俾囡囡食住, 睇下佢個樣幾緊張...

爸爸餵緊都仲要自己黎, 真係好鐘意食喎~

好彩個燈籠玩完之後可以做錢箱既,
就算囡囡吾玩都吾會無用啦~

1歲

媽媽:「囡囡你幾多歲呀?」

囡囡即時舉起一隻手指

哈哈, 吾知係邊個教佢既呢?
等我仲諗住今晚教佢添...

全靠囡囡

近來接二連三發生左好多事, 令到我經常都處於擔心同憂慮中,
好想可以快d雨過天清, 但係又只可以聽天由命...

全靠囡囡, 只要可以見到囡囡笑, 同佢一齊玩,
就算只有少少時間, 都會令我再有energy再撐落去~

加上近排囡囡越黎越古靈精怪,
對住佢有時都吾知好笑定好惱呀~

玩衫衫

無端端搵件衫凹住自己個頭, 仲以為自己好靚, 通屋行...
囡囡, 你件衫反轉左架, 醜醜呀~

囡囡話 (I)

媽媽:「囡囡, 夜喇, 吃完奶奶瞓覺豬好吾好?」
囡囡:「吓...吾好...」

媽媽:「囡囡呀~」
囡囡吋樣咁答我:「咩!」

每當囡囡整爛野或者整吾見左野既時候,
爸爸媽媽都會:「哦哦哦哦...囡囡, 又係你...」
囡囡每次亦都會扮傻:「啊....吾知啊...」

爸爸傾電話, 囡囡全程望住, 一傾完, 囡囡即刻問:「邊個...」

有晚囡囡臨瞓前扒左係我度好細聲咁講:「媽...奶奶...」
飲完即刻覺豬~

我行開左一陣,
囡囡就會狂叫:「打..打..打...打...」
有時又會慘叫:「媽....媽....」
好似好淒涼咁叫到我番黎為止...=.="

仲有好多火星話 :「呀..呀..chu..chu..chi..chi..wu..wu..wa..wa..」
完全吾知佢講乜, 但係我次次都會俾反應佢, 扮知道佢講乜咁...hehe

其實仲有d, 不過我又吾記左喇, 而家d記性真係差...

彈歌仔

今日媽媽學左彈歌仔, 不過剩係彈得幾個音,
囡囡已經好開心, 係咁拍手掌喇~

好, 要學識彈哂成首歌, 彈俾囡囡聽先~

玩狗仔

將狗仔, 豬仔放埋一齊行,
睇下囡囡咩反應...
~哈哈~

不過...
間屋真係好亂,
仲要係執完即亂添...>.<

睇廣告

最近又有個廣告, 囡囡睇親都會跳舞, 睇佢跳得幾開心~

Playgroup

~第3堂~

囡囡仍然 剩係鐘情於個綱琴度, 一去到就乜都吾理, 剩係要彈琴,
仲要同miss一齊彈, 彈完就望下大家, 拍下手手讚下自己~

跟住就玩下樂器, 聽下故仔...

運動時間, 囡囡終於吾驚肯捐入去玩下喇~

如果玩果d遊戲, 囡囡無興趣的話,
就會自己走左去搬櫈仔, 或者彈琴...

不過每次到畫畫時間, 囡囡都幾鐘意,
至少會聽下人講, 自己試下畫~

囡囡越大, 就越黎越難控制,
吾係好聽人講, 想點就點, 一吾俾就怪叫, 真難攪...

尖叫...

今晚囡囡吾知攪咩, 一吾鐘意就尖叫,
而我係一位好驚小朋友尖叫既媽媽, 已經同囡囡好言相向,
佢都仍然繼續, 無計, 唯有大鬧啦, 好惡咁鬧左佢幾句,
佢竟然同我講左一句"對吾住", 雖然d音係吾準,
不過我好肯定佢已經知錯, 因為之後佢無再尖叫喇~

囡囡, 爸爸媽媽雖然好愛你,
不過我地真係吾可以縱壞你架~
鬧你只係為你好, 想教好你, 知吾知道?

溫暖

現在每當囡囡好用力咁攬住我既時候，總會給我一種很溫暖既感覺。
無論遇到什麼事情，只要看到囡囡，就會有動力去解決。
我同爸爸都會努力去給囡囡一個快樂既童年，開心既家庭。

去左Playtown玩

同姨媽去左playtown玩, 去到食完野,
囡囡就瞓左覺, 攪到我同姨媽要行一個無野睇既商場成個鐘,
終於等到囡囡起身, 可以入場玩喇~

囡囡一去到, 例牌緊係睇人玩先啦...

睇左一輪, 終於自己玩喇~

呢個幾得意喎~

好好玩呀~

玩到攰, 俾囡囡發現有零食買, 俾你食百力滋啦~

咦, 點解屋企張櫈係度既, 坐上去吾知有無野食呢?

再玩過先, 好多玩具玩呀, 不過囡囡都剩係對琴仔有興趣,
想同佢坐下車仔, 佢驚到點都吾肯坐...

囡囡見到d小朋友友係咁爬上去sir滑梯,
又跟人一齊爬, 睇下佢上到去個樣幾徬徨...
不過我地最後都一齊sir左3次滑梯, 好好玩呀~ 哈哈

之後囡囡不停走黎走去, 仲要係無定向咁走,
最多就係去部零食機度睇人買野食, 真係好好笑...
而姨媽同媽媽因為係咁跟住佢走黎走去, 已經攰到吾想郁喇~

個人覺得playtown係俾當天氣吾好, 太熱或者太凍,
先帶小朋友黎玩既地方, 如果好天, 都係去公園玩健康d~

睇電視睇到跳哂舞~

睇親美女廚房都好high既囡囡,
今次跳舞除左fing fing手, 再加埋搖搖身添呀~
真係好好笑~

飲勝~

飲勝~~
睇下囡囡飲得幾豪氣, 飲完仲整多個嘟咀出黎添!

Hello~

每日放工返屋企, 我都會同囡囡講Hello,
今晚囡囡答番我Hello呀~
好開心~ 哈哈



見到同囡囡差吾多大既bb已經識講好多野,
而囡囡仲係咩都吾識咁~
我諗都係因為我無好好咁教過佢...=.="
一於今個禮拜, 買d書仔, 同囡囡玩下, 唱下歌仔先,
等佢醒目d, 吾好剩係識得食~

第一次返Playgroup

第一次返Playgroup, 囡囡玩左好多野呀~

聽miss講故仔~
囡囡係咁要揭本書, 都吾知佢有無聽到...

玩下樂器仔~

畫下抽象畫~
不過囡囡好似覺得d顏料污漕, 點都吾肯用手掂..

彈下真既鋼琴~
囡囡對佢非常有興趣, 係咁要行埋去禁,
完全聽吾到miss係度唱緊歌...

仲有茶點食~
囡囡咁為食, 緊係話咁快就就食哂啦~

到左運動時間~
囡囡就一d興趣都無, 自己走左去畫公仔, 同埋...

係咁將d櫈仔搬黎搬去....

臨走囡囡仲幫miss放好d波波同筆筆, 真乖女呀~

估吾到短短個幾鐘, 竟然做到咁多野,
不過我又吾覺得個流程好急咁架喎~
希望下堂可以有多d bb一齊玩啦~