Jan 2011

今個月好忙...
忙同囡囡面試, 忙諗吾收之後既辦法...
忙過年前既大掃除, 抹左幾日, 終於抹完, 不過見到先前抹好果d已經有番塵...
忙做手作仔, 希望搵到多條出路...
忙住對抗細菌, 病左幾日, 囡囡仲要惱我吾同佢玩...
忙住要減低自己既負能量...
再忙埋要應付囡囡近來陳出不同既扭計招式...
忙...忙...忙到blog又無心情寫, 街又去小左, 相都無乜點影, 仲小左同囡囡玩添...
真係吾好意思, 希望下個月會好d, 可以同囡囡去玩多d, 吸多d正能量!

面試結果

囡囡既面試終於有結果,
除左第一間既下午班收佢,
其餘既都無緣入讀, 雖然有d失望,
不過正面d諗可能係上天既安排,
或者呢間先適合囡囡呢!

希望囡囡可以開開心心咁返學啦!

囡囡又高左好多，
我諗到返學既時候佢一定排最尾啦！

no吸塵

近來囡囡成日講no, no, no吸塵，尤其當你同佢講道理既時候，初時吾知佢講咩，後來嫲嫲話，原來係學校上堂時老師成日叫佢no talking...呢個女真係...教佢123就吾講，大人話就學得咁快...

有日睇電視，入面既主角話你再吾走我報警架！食緊零食既囡囡突然轉身同爸爸講＂你吾好食我d野呀！我報警架！＂...哇！駛吾駛學得咁快呀...

囡囡越大越老積，遲下會吾會變老人精架？真係令人擔心...=.="

幼稚園面試

下次年就讀k1既囡囡, 同佢搵左三間幼稚園, 第一間已經收到通知, 上午班後備...=.=＂

第二間亦係我覺得最好既一間, 爸爸要凌晨五點去排隊拎報名表, 而嫲嫲亦要排個幾鐘先交到報名表, 可想而知呢間幼稚園有幾多人想入去讀...


囡囡係呢間既面試亦尚算ok, 有答老師問題, 又肯講早晨同拜拜, 不過就有一盒紙包奶吾識, 因為佢真係未飲過果隻牌子既牛奶, 而牙刷就位小姐玩野, 老師問佢牙刷刷邊, 佢就剩係指坐自己個咀話呢度, 問左好多次先肯講牙...我係出面真係睇到好肉緊!

至於最後一間, 就...唉...問咩都吾願答, 肯答既又好細聲, 仲吾望住老師答問題, 剩係望住我...

今個月尾就知結果, 希望會收囡囡啦! 祝囡囡好運!

Happy 2011

踏入2011年~
同囡囡繼續出發去多d地方，
見多d新鮮事！學多d新知識！

希望今年大家都可以健健康康，
食得玩得瞓得又搵到$啦！

~ 冼宅加油 ~

加送2011年1月1日囡囡既新pose
佢個眼神好迷人呀！哈哈！

2010除夕派對

除夕晚約左屋企人黎食飯一齊倒數迎2011,
無預先話俾囡囡, 怕佢又不停問我姨媽幾點到?

放工返到屋企先同佢講: 姨媽今晚黎呀!
囡囡竟然答: 吓! 你講笑咋! 佢真係以為我講笑,
仲同爸爸講: 媽媽話姨媽黎喎! 哈! 幾好笑!
一d都吾信我...

最後見到姨媽佢地到左先信我既囡囡,
竟然都要玩下怕羞先肯叫人, 我知佢扮野,
其實佢不知幾開心, 哈哈!

Warm up完囡囡又係時候
做d古寧精怪既事黎氹大人笑喇!

真係好傻, 哈哈!

打完邊爐, 再玩交換禮物,
我地再玩煙花蠟燭, 雖然話係冷煙花,
不過個傻豬都有d驚!

我就覺得好靚, 不過燒起黎
點都熱熱地，要小心d玩

囡囡全晚仲係咁跳舞, 狂擺pose,
令到大家係咁笑。

2010除夕, 屋企好熱鬧,
好多笑聲, 好warm, 好開心^^