踩單車

學左半年, 囡囡終於識踩單車,
今日仲同佢去左單車公園玩~

好有台型, 好似真係識踩咁...hehe

其實...



佢只係半下半下咁踩, 奇怪架單車又郁到架喎!
仲話要追小朋友, 學多一年先啦囡囡!

佢仲覺得自己好叻, 睇下個樣幾招積!

影完呢張相, 我都吾相信囡囡只係一位2歲既小朋友,
好大個呀!

Halloween 2010

學前班既Halloween小禮物

包裝精美

仲有糖糖一粒

最令我驚喜既係呢件用垃圾袋製成既披肩,
又環保, 又得意, 囡囡都好鍾意^^
其實咁仲好過要d家長要特登買件鬼衫俾小朋友著啦!

囡囡今晚仲教我"Halloween呀! 英文黎架!
係街度見到南瓜公仔又會話"果度Halloween呀!去玩啦!"
其實只係display黎架咋! 哈哈!

最令佢開心既當然係呢粒糖糖啦!

上班日

上班日早上

喜歡見到笑得好開心既囡囡~

喜歡囡囡問我: 媽媽返工呀? 我送你出門口啦!

喜歡囡囡嘟長咀咀:媽媽, 錫錫先走啦!

喜歡每朝都要鍚啖先出門口!

不過今日天氣涼左, 囡囡好瞓左...

小左香吻, 有點失落~

晚上囡囡話: 媽媽~我好似好耐無見過你喇! 我好掛住你呀!

荃灣遊

星期日見好天, 諗住同囡囡去公園跑下, 做下運動!
點知去到囡囡咩都吾肯玩, 咩都話驚, 仲係咁扭計!
當時個太陽係猛左d又熱左d既, 不過都吾駛喊到咁大聲哇!
激屎我呀!

初時惱到想即刻返屋企, 不過爸爸話咁遠黎到吾好咁快走,
唯有去商場啦! 行行下又見到冒險樂園, 仲要有波波池,
囡囡緊係要玩啦! 入到去先識笑既囡囡,
越玩越開心, 仲同我講我鍾意玩呢度多d!


衰女! 要錢又限時既, 你就話好玩! 吾駛錢既公園, 你就話驚!
一樣都係滑梯, 點解公園果個驚d呢?
真係會完全吾明你呀!

好辛苦先叫到囡囡離開波波池, 諗住買棉花糖俾佢等佢開心下,
點知囡囡見到個棉花糖咁大, 竟然好驚, 叫左好耐先肯試一啖...

食過先知好味, 不過都要細左先肯自己拎喎!

後來天陰左, 我地又行番去公園

終於可以跑一陣喇!

仲影到靚相^^

不過大小姐已有倦意, 跑一陣就惱一陣, 影一陣又要氹一陣!
仲要俾糖糖同茶茶, 先keep到個開心mood...

今日囡囡真係好難服侍呀!!

好味

簡簡單單既一餐, 囡囡都食得好開心, 仲話兩個都好味添!
次次煮野俾囡囡食, 見佢食到好滋味既樣,
我就會覺得好開心, 好有成功感!



吾好以為囡囡為食就會咩都話好味, 其實佢對食都好有要求架!
吾啱佢口味果d, 食兩啖就話飽, 點叫都吾肯食架喇!

訓話

吾知點解今日囡囡次次問佢知吾知? 好吾好? 佢都吾答我, 一係就求其"嗯"就算, 好驚佢學左大人d壞習慣! 係時候要講下道理, 點知...

媽媽: 問你野就要答人, 知吾知道? 吾準吾應人架! 你吾答人, 人地未吾知你想點囉! 明吾明白?
囡囡驚驚地咁答: 知...
媽媽: 咁以後媽媽叫你, 你要點呀?
囡囡好肯定咁答: 早晨!

哇哈哈! 小朋友既答案有時真係好有創意, 完全估佢吾到呀!

最終訓話失敗, 不過一齊笑左好耐, 囡囡仲係咁講早晨!

綠色噴泉

之前囡囡次次搭巴士都會暈車浪, 自從朋友教我上車俾糖佢食之後, 佢真係嘔少左, 加上佢一上車就瞓覺, 好多次都無嘔喇!

今晚同囡囡食完大餐返屋企, 全程佢都無吾舒服, 不過就無瞓覺, 睇完車車悶悶地仲撩鼻屎...仲有一個站就落車, 就係我最鬆懈既呢個時候, 有條綠色水柱係囡囡個口度噴出! 唉! 竟然係呢個時候嘔...

原來佢趁我地吾為意, 撩完鼻鼻就走去撩埋牙, 緊係撩得入得滯所以嘔啦! 仲噴到我同佢成身都係...好臭呀!

點解會嘔綠色噴泉?因為之前食左綠茶雪糕囉! 再加糖同埋壽司味, 真係臭到嘔! 好彩可以即刻落車, 抽起佢仲滴住d嘔野落車，勁吾好意思!

落車之後, 囡囡喊住話要換衫, 仲換? 求其抹左佢，快d飛番屋企好過啦! 就係咁囡囡同我帶住成身嘔味, 又濕又臭咁行返屋企, 囡囡仲行到好似個機械人咁添! 諗番佢當時既樣, 真係好好笑!

希望經過今次既教訓,佢吾會再悶悶地走去玩牙啦!

美少女變身

之前囡囡迷上套卡通片"光之美少女",
次次睇都會跟住一齊"美少女變身"



有時仲會要爸爸同佢一齊玩"美少女變身", 好好笑!
其實媽媽細個時都好鍾意變身架!
吾知之後囡囡仲會迷上幾多套卡通呢?

貓貓定狗狗?

爸爸: 囡囡鍾意貓貓定狗狗呀?
囡囡好正經: 貓貓咬吾咬人架?
爸爸媽媽: 哈哈
爸爸: 貓貓會咬d吾乖既小朋友架!
囡囡: 吓! 乖就吾咬, 吾乖就咬呀? 原來係咁! 魚魚咬吾咬人架?
爸爸: 吾咬! 魚魚愛黎食架! 你最鍾意食魚魚, 係未
囡囡: 係呀! 魚魚好好味
囡囡諗左一陣: 咁貓貓食吾食得架?
爸爸: 吾得架!
囡囡: 食得啦! 不如食得啦!

Playtown

同囡囡去左Playtown玩, 呢位小朋友仲係咩都驚,
滑梯高又驚, 快又驚, 爬高d又驚, 似足爸爸...
好彩呢度仲有d文靜d既野俾佢玩~


呢個高科技既玩意都幾新鮮, 追住個紅色拍,
或者可以拋個波過去拎分, 幾得意! 仲有d disco feel添!


就係呢度囡囡玩到吾願走, 其賁呢度無咩好玩,
係舒服d, 吾駛爬上爬落咁辛苦...

玩左2個鐘, 係咁抱佢上上落落,
我同囡囡都攰到爆!

Photos can Talk

由囡囡一出世, 我就好想做個屬於佢既websites, 不過就一直都好懶, 又無idea...

近來囡囡早瞓左, 夜晚多左私人時間諗下野, 見囡囡有咁多相, 好多都有故事性, 囡囡又表情多多, 好好笑, 就令我諗到呢句"Photos can Talk"。

希望大家睇得開心, 將來囡囡大個睇番都會開心啦!

~ Photos can Talk ~

波波池

自從玩完一次波波池之後, 囡囡就上左癮喇!
次次出街都想我地帶佢去玩, 一路行一路重覆咁講"去玩波波池啦!"
成個阿婆咁, 好長氣呀! >.<

今日諗住同佢去公園玩滑梯可以滿足到佢啦!

點知玩完都係繼續講"去玩波波池啦!" =.=

返屋企拎番囡囡細時玩過既波波池出黎,
雖然d波已經吾見左好多,
不過囡囡一樣好high, 玩得好開心。

好似好耐無同佢係屋企都可以玩得咁開心喇!

仲可以玩成晚都得~
平時玩兩玩就扭計, 樣樣玩具玩一陣就悶,
一係要轉玩具, 一係就話要食野!

臨瞓仲好緊張叫我地吾好收埋呀! 聽日再玩!

不過我諗佢都係好快就玩厭架喇!