戒尿片

囡囡已經成功戒左日片，夜片就仲未得，而家每日只係瞓覺時用一塊尿片，真係慳吾小呀！

諗番以前一個禮拜用一包尿片，晚晚都要同佢換三次，有時瞓左懶無同佢換，就會攪到漏尿，整到張床濕哂，仲會好臭！要做好多野，隔幾日先無味。真係好攰架！

係阿女戒片既初期，佢都成日賴尿架！有時佢會走去角落頭度痾，有時又會忍吾到係廁所門口痾左！之前我地都無乜點鬧佢！

不過有日佢竟然一日之內賴左四次尿，攪到我同爸爸都勁攰，仲要係明知佢急，但係佢發脾氣吾肯去廁所，終於果日我同爸爸第一次一齊鬧佢，仲打左佢幾下pat pat。記得佢當時喊到超慘，不過經過呢次之後，佢真係小左賴尿，仲小左因為要去痾豬豬而發脾氣添！

所以我覺得有時體罰真係有用，係可以令到小朋友記得咁樣係錯，不過打就吾好咁重手，令佢覺得有小小痛就ok，仲有鬧完打完一定要同佢講番佢錯左d咩喎！同埋要話佢知要點做先啱。

不過吾好以為囡囡戒左片我就舒服左喎！而家每晚我都仲會俾痾豬豬同食奶奶而攪到無覺好瞓...算啦！算啦！唯有等囡囡再大個d啦！

Sing & Dance

囡囡好鍾意唱abc,
成日都會自己叫:「1..2..3...ABC呀D..唱完! 好野!!」
有歌跟住唱, 佢都可以唱多幾個音既!

首先跟ipod唱



佢而家晚晚都要玩過ipod先肯瞓, 已經控制到部機,
識自己搵野玩!! 似足我, 吾打機都瞓吾著...


跟住又到假日早晨既睇碟時間, 成隻碟,
囡囡剩係鍾意以下2首歌, 其他都無咩興趣!



ABC
次次都唱到好多表情, 又成日自創舞步, 好好笑!



Clap Your Hands!
囡囡已經聽左呢隻CD成年架喇!
近來先可以跟多d動作,
其實佢識得turn around同jump,
都係因為呢首歌咋!

玩勞作

買左呢本kitty動物園, 諗住同個女一齊玩勞作,
點知吾可以就咁撕, 要用cutter cut先靚,
唯有媽媽自己努力啦!

整左好耐先整得咁少, 不過都幾靚^^
仲有好多動物未cut, 有排玩(我)呀!

囡囡都好想玩架!
不過我想完成左先俾佢摧殘,
而家就俾佢睇一陣啦!

吾知仲要幾耐先可以完成呢?

新枱

搵左呢張枱仔好耐喇! 之前睇果d吾係太貴,
就係太多顏色, 同間屋好吾夾,
今日終於俾我地搵到張茶几,
可以俾囡囡玩同食野喇!

囡囡好鍾意! 買完即刻話要返屋企,
全程車都係咁講寫字字呀! 寫字字呀!

一砌好張枱, 囡囡緊係即刻埋位啦!
又電話又筆筆, 好似好忙咁! 哈哈

囡囡既新corner!
遲下搵多張小童櫈先, 等佢坐得舒服d~

仲可以食野添! 好味呀!

一齊返工

今個星期六, 同囡囡一齊返工
有好多姨姨同佢玩~

佢地仲幫佢扎辮仔, 好靚呀!

即刻變左少女, 最衰我吾識得扎辮啦!
要學下先...hehe

仲有靚靚背囊禮物,
囡囡勁鍾意, 係屋企都要揹住吾肯除,
真係多謝哂^^

囡囡返到屋企仲講左好多次:「有契契, 姨姨,
姐姐, 好多呀! 開心!....仲有叔叔...」
媽媽:「你邊有理過d叔叔, 你都吾同佢地玩!」
囡囡:「吓...好驚呀!」

唉, 囡囡你幾時先會吾驚男人呀?

做運動

晚晚都好似食吾飽既囡囡, 肥左好多!
今晚同佢做下運動先,
踢完波波之後再玩柔軟體操...

第一招 - 踢腿
已經踢到最高架喇!

第二招 - 拉根
不過對腳申吾直!

囡囡:「媽媽, 得未呀! 好痛喇!」

第三招 - 坐地一字碼
加埋新識既v手勢~

咁就過左一晚~
開心!

玩公仔

我發現囡囡近來好鐘意同d公仔傾計,
又會同佢地一齊坐, 一齊玩,
仲會扮餵野俾佢地食...





玩到咁開心, 今晚緊係有排先瞓得著啦!!

晚間新聞

囡囡係夜鬼, 每晚都會睇完晚間新聞先會肯瞓覺~

近來...
當一報新聞, 無論咩新聞佢都會講:「慘慘唷! 好慘呀!」
報交通意外, 佢就會講:「車車呀! 慘唷...好驚唷!」
報外國新聞有外國風景既時候, 佢會大叫:「哇! 好靚呀!」
報體育, 佢會叫:「哇! 打波波...開心!」
有時佢會對住電視入面既報導員講:「走啦! 食飯飯啦!」
咦! 你好吾鍾意佢呀?

到天氣報告..
囡囡會不停咁講:「落雨唷! 落雨唷! 多雲!...算啦! 算啦!」

小天使

今天發現囡囡只需一個笑臉，就可以令到大人在絕望時感到希望！
在傷心時感到安慰，感到快樂！

望著囡囡，會見到起點，所有事物都係新奇，需要不停探索，發掘，充滿希望...

望著我的爸爸，發現終點已近，辛辛苦苦做了一世人，為何現在還要受病魔既折磨？每次見到佢都會覺得很心痛...

囡囡，人生就是這樣，由起點到終點這段過程中，有開心，傷心，煩惱，憤怒.... 無論你將來遇到任何事情，請樂觀面對，就像你好似小天使一樣笑住對我說算啦！算啦！

自己食飯

俾囡囡自己食飯既後果...

食到一地都係...=.=
不過都要忍, 由得佢食到咁污漕,
只係間吾中提下佢下次小心d,
等佢慢慢學習, 如果吾係就有排餵架喇!

我吾係咁讚成要追住個小朋友餵食飯既,
俾一個舒服既食飯位佢, 等佢知道要食飽先可以行開,
係咁追黎追去, 俾個細佬話哂事, 咁仲點會聽話!

囡囡好鍾意食烏冬, 次次都食到一包,
仲剩係食烏冬, 乜都吾要!
今餐原本囡囡仲想食烏冬架, 點知俾爸爸食哂!
好彩仲有粟米, 不過駛吾駛食到咁得戚先!

扭計

囡囡近來真係好扭計，一吾鍾意就喊，仲要喊到好慘，好大聲！係都要我地屈服！

好似今日出街佢仲第一次扭到瞓地添，只係因為佢係街見到件大人衫，想即刻著，緊係吾得啦！佢就發哂癲係咁大聲喊，真係激到我噴火呀！條街又好多人、個個都睇戲咁！攪到我吾敢打佢，驚俾人告麻！講佢又吾聽，要好似癲婆咁鬧佢先會驚肯收聲！

返到屋企，我話囡囡你好扭計喎！咁點算先? 佢仲好天真咁答: 算啦!算啦!

呢幾日假期，我每日都至小要癲2次，癲完仲要同佢講道理，俾佢攪到我情緒起伏都好大下，攰爆呀！ 聽d朋友講呢個先係開始，2至3歲既小朋友係好煩，好扭計...吓！咁未仲有排癲！...不過都係算啦!算啦!

唱abc歌

啱啱瞓醒既囡囡, 最鍾意睇disney隻碟,
唱下歌, 跳下舞!



睇左好多次都仲未識唱, 得幾粒音啱!
至於舞步仲有d奇怪添! 哈哈~

學習時間

晚晚都會教囡囡abc,
但係次次都係我講多過佢既!
1至10就好d, 終於有5同8喇!



到認圖卡, 囡囡突然認到好多喎!
不過就好多都係講疊字...
哈哈! 緊係我同佢講得太多bb話啦!
之前仲聽人講過吾好用疊字教學添,
點知自己都係用左! Hehe!