Xmas Gift

囡囡真幸福, 今年收到好多聖誕禮物~

Hand Made Xmas Card~
囡囡: 好靚呀!

Xmas Tree Cookie~
囡囡: 幾好味喎!

Thomas禮物包~
囡囡: 好多野食呀! 1,2,3,6,7...有十個呀! 我要食呢個...

仲有新既玩具成員加入~
囡囡: 係砌砌..姐姐..姐姐個哥哥..仲有姨姨同叔叔送架!
多謝哂大家咁啺囡囡呀^^

影裝飾

今年同囡囡去左好多地方影聖誕裝飾

~ 銅鑼灣 ~

呢日係最開心既, 可能第一次, 大家都有新鮮感~

而囡囡亦好合作, 全程都無咩扭計!
又影又玩, 好開心~

~ 太子 ~

等食飯前影既, 囡囡仲話個雪人無鼻既? 好好笑~

~ 尖沙咀 ~

第一次行程錯左, 諗住一班人食完飯先影燈飾,
點知出黎燈已熄...=.=

再去多次, 驚夜晚多人唯有中午去, 點知...

中午真係一d聖誕feel都無,
剩係見到好多人, 好多野, 同埋好攰...

好彩仲有playmobil可以睇下!

~ 沙田 ~
見沙田夜晚d燈飾幾靚, 再約朋友一齊出去玩下,點知...
又係食完飯, 今次就因為落雨...Close左...=.=

仲要今日呢位大小姐玩扭計, 扭抱, 扭驚, 扭怕羞...
張張相都苦瓜乾咁...>.<

所以今年只係影到裝飾,
而唯一影到燈飾既地方都係只有迪迪尼
~ 哈哈 ~

囡囡X'mas手作仔

返緊學前班既囡囡, 估吾到都有X'mas手作仔

囡囡話係佢自己黐既聖誕樹

仲有天使仔

再加天使光環, 不過呢位天使吾可愛喎!
哈哈

樣樣都幾靚, 呢位老師好有心思~
我諗下年囡囡返幼稚園之後, 一定會仲多野玩^^

Merry X'mas

~ 祝大家聖誕快樂 ~
~ 日日都快快樂樂 ~
^^

自己行

同囡囡連續去左幾日街之後...
媽媽: 我對手都好痛呀, 你知吾知點解?
囡囡好吾好意思咁答: 因為抱...

今晚放工返屋企抱起佢...
囡囡問: 你隻手仲痛吾痛呀?
即刻心都甜哂既媽媽答: 吾痛喇!
囡囡: 哦! 原來出街抱先會痛...

其實囡囡都知自己重，大人抱會辛苦！以兩歲既佢黎講，已經叫做行多好多路架喇！有時大人都覺得攰，佢都仲肯自己行！如果有糖食，仲會行得耐d同開心d添！

有時見到街上幾歲既小朋友仲坐緊bb車，我就會覺得吾應該咁遷就d小朋友，點解吾叫佢自己行，咁細就舒服慣咁大d點算！我寧願行街要鬧囡囡，逼佢要自己行，又或者自己抱佢，都好過佢成位小姐咁，出入要坐車...

我成日同囡囡講: 對腳生出黎係用黎行路，bb吾識行先要抱，你識行路，你係小朋友，吾係bb黎架麻！
囡囡而家都會同人講: 我係小朋友，吾係bb，我識自己行架！
講到自己好叻咁！哈哈

X'mas@迪迪尼

每年聖誕都好想去迪迪玩, 覺得呢度最有聖誕feel~
今年我地同囡囡一齊玩左7個遊戲...

一去到見到巴斯張poster就好開心,
點知當見到巴斯真人公仔既時候就好驚喇!
吾通佢知道入面果個係男人...

到我地去玩巴斯光年隻game, 囡囡好驚,
可能入面黑啦! 不過佢叻左,
忍到落車先叫"我要落車呀!哇!"

之後佢見到有車坐, 係都要去玩, 仲好有耐性排隊,
佢又玩得好開心喎, 全程都好好奇, 玩完又係喊住落車,
不過今次係"我要揸車呀!哇!"

又係一開始好興奮咁去睇卡通, 最終一開場就要我抱到散場...
點知走既時候佢竟然講"無事囉!我都吾驚!"

去到小小世界, 係排隊既時候, 仲學識唱Jungle Bell添!
緊係啦! 排咁耐, 都聽左有50次, 無理由吾識啦! 哈哈~

最奇怪係佢竟然話要玩咖啡杯, 重一d都無嘈,
係玩既時候呆呆地!

但係到旋轉木馬既時候, 就點都吾肯坐上隻馬度,
仲我都吾俾坐, 係咁同我講"危險呀! 快d落黎啦!"

最後去左玩史迪仔, 又幾得意, 現場互動, 不過囡囡瞓左!

等睇煙花, 影下相先!
不過囡囡連睇煙花都話驚...=.=

今年迪迪尼既主題bear, 俾囡囡攬下先

囡囡既紀念品, 史迪仔銀包一個,
爸爸仲俾左2毫子佢袋住, 哈哈!

今日抱左阿女超過2個鐘, 答左佢幾百次問題,
仲氹左佢幾十次, 勁攰...不過都好開心!

下年再玩過^^

Xmas Tree@Home

又到聖誕，為左令屋企有多d聖誕氣氛，
今年買左一棵大d既聖誕樹

開埋燈都ok架！
囡囡仲有幫手掛波波添！

傻豬以為呢粒星星係用黎玩美少女變身，
點都吾肯放上樹度...

終於完成！^^
每晚放工望下佢都幾開心，
好有節日氣氛！

冬裝

近來買囡囡冬裝既時候,
見到d韓國小model既衫襯得好型,

就照住同囡囡襯

似吾似呀? 哈哈

不過囡囡係迪迪尼見到d姐姐著住公主裙...

囡囡: 佢地好靚呀, 著裙裙好靚呀!
媽媽: 吓!你仲靚啦!
囡囡: 我都吾靚...>.<
媽媽: 我覺得囡囡今日好靚喎!
囡囡開心番d: 係咩? hehe

其實媽媽由細到大都吾鍾意著裙,
仲覺得公主裙好恐佈,
估吾囡囡會同我咁吾同!
=.="

錦田鄉村俱樂部

今日效遊樂, 一班朋友仲有謙謙一齊
去錦田鄉村俱樂部玩,
呢個地方啱小朋友多過大人,
成班大人陪呢兩位小朋友玩左好多野!

有撈金魚~

騎馬馬, 不過囡囡吾識玩...

呢度有塊大草地可以俾小朋友跑下, 吹下波波,
原先諗住放風箏, 不過今日無風, 放棄!

吹氣彈彈床, 同謙謙跳到傻左~

又有小動物, 不過兩位小朋友對佢地都無咩興趣

佢地最鍾意就係坐車車, 不過囡囡吾識控制, 嚇左我幾次!


之後同佢換左部超慢車, 悶到佢想瞓, 好好笑!

夜晚大人bbq, 小朋友就係出面草地跑跑跑,
佢地兩個跑左成晚, 笑左成晚, 玩得好開心!


話咁快就玩左一日, 臨走囡囡仲以為好似去旅行咁,
會一齊返屋企瞓, 點知見到大家講拜拜, 佢吾捨得到係咁喊!
真係傻豬黎架!

第一次面試

下年讀K1既囡囡, 第一次幼稚園面試

我吾清楚佢既表現如何, 因為佢入左班房同老師玩玩具...
不過面試完佢竟然吾想走, 仲好吾捨得位老師添!
見左一陣...就咁鍾意???

唯有俾佢玩多陣滑梯先走啦!
不過都玩左好耐, 仲要話下次再黎先肯走!

囡囡叫幼稚園做小朋友學, 佢話入面有好多小朋友,
仲有老師同佢玩, 希望佢大個都會咁鍾意返學啦!

仲有兩間要面試, 希望阿女有好表現,
入到心水學校!

畫一字

囡囡今日寫一字

似模似樣! 令我好驚訝!

仲要一路寫一路講: 畫一棟...畫一棟...就係咁喇!


而家d書真係好, 寫完可以抹乾淨, 咁就可以慢慢玩啦!

佢剩識畫一字, 其它都係抽象派,
仲話: 吾識畫呢! 就係媽媽畫喇!
哈哈~

第二次做花女

媽媽既好朋友結婚, 囡囡有幸再做花女~

見佢平時咁驚男人, 所以早左去現場俾佢warm up下!
點知今次佢又無咩點驚, 仲玩得好開心添!

周圍攪d佈置, 囡囡話呢個好靚!

仲係小戲院入面跑黎跑去, 係咁玩張櫈...
哈哈! 同我細個時一樣!

好彩今次有多位花女陪囡囡, 佢兩個一見如故,
成日拖住手仔周圍走~

正式出場, 佢地表現得非常好, 係有小小驚,
呆呆地就乖乖咁行完, 叻呀!

行完佢吾捨得返埋位坐,
係咁話: 我要做花女呀!
媽媽: 做完架喇!
囡囡好大聲: 都未做!
媽媽: 吾好咁大聲, 一齊睇姐姐簽名啦!
囡囡: 我都未簽...
媽媽: 你千析吾好咁快簽呀!

可能玩得太耐, 呢晚佢攰到無咩胃口食野,
見佢開始想發癲, 都係早d走好d!

臨走前佢仲惱惱地問: 又話去馬場, 點解都見吾到馬既?

估吾到, 咁快我就開始吾識答阿女既問題喇! 哈哈~

大梅沙華僑城之旅

好耐無同屋企人去旅行喇! 好想出外散散心,
近近地去左深圳大梅沙同埋華僑城玩.

揀左間露台有浴缸既酒店住, 希望可以對住個海浸浴, 好爽咁!
不過間酒店就殘左d, 除左個浴缸同埋露台個view幾靚之外,
其他都殘殘地, 下次都係搵間新d靚d既酒店住先得!

今次大梅沙呢個地方俾到驚喜我, 地方乾淨,
周圍都有好靚既酒店同埋住宅, 加上天晴,
又對住個大海, 好有渡假feel呀!

坐係露台吹下海風, 睇下風景, 真係好舒服!
好耐無試過有呢種感覺喇!

加上今次有姨媽同姨姨, 囡囡係佢地面前從來吾敢扭計, 仲好痴佢地添!
咁我就更加多機會可以輕輕鬆鬆睇下風景, 影下相, 都係好耐無試過喇!

~ 第一日 ~

食完五谷芳乳鴿, 就周圍行下, 竟然見到有個新outlet開左,
好多名牌, d舖頭仲同香港既名店一樣, 好驚訝!

之後去左有27層樓高願望塔, 上到去可以睇哂成個大梅沙,
d屋好靚, 酒店好靚! 不過搭Lift上去既時候, 我就有d驚囉...hehe

囡囡開始吾耐煩, 因為由食飯開始已經同佢講一陣去沙灘玩,
點知去左咁多地方都未到沙灘, 個人又開始攰...
好彩隔離就係沙灘! 睇下囡囡玩得幾開心~

表姐仲買左個風箏, 雖然放極都放吾起,
不過大家一齊跑下笑下, 好relax, 好開心!

諗住去買水飲, 遠望見到呢d企鵝, 以為食得,
點知一行埋去竟然係買龜仔, 即時嚇一嚇!
估吾到買飲品既地方竟然會有龜買,
囡囡見到都話好驚...哈哈

晚餐去左天濤軒, 門面非常高級,
初時我地都驚會好貴, 好彩表姐堅持要去睇下個menu先,
如果吾係我地就食吾到咁好味既晚餐喇!


樣樣都好好味, 尤其係入口即溶既東波肉同埋臘味煲仔飯,
到而家我仲回味緊, 加上服務態度好,
同埋價錢只係同香港茶餐廰差吾好, 好抵呀!

~ 第二日 ~

飲完茶就出發去華僑地, 今次我地剩係去茶溪谷,
去到見到一片花田, 好靚呀! 不過囡囡佢地不停話有蚊咬,
企左係側邊係咁搽油, 得番我同表姐兩個係咁影影影!
仲諗住同阿女影花花寫真架麻!

華僑城真係好大, 好彩果度有車搭, 如果吾係我地一定行吾哂,
不過我地都吾夠時間可以度度停同慢慢睇,
之後係古裝街食左一陣野, 行下吊橋...
原本想係古堡果邊嘆杯coffee, 睇下d真人扮銅像,
不過去到已經好晏收左門lu...

地方都幾靚, 仲有好多新人係度影婚紗照,
如果下次再黎, 一定要早d去到先得!

其實而家去旅行, 一日吾可以去太多地方,
小朋友頂吾住, 連大人都會攰得好快~
佢一個吾開心要抱, 真係抱到手斷佢都吾肯落地!
到時一哭二鬧三扭計, 又會攪到無哂mood, 俾佢玩謝呀!

所以今次真係好多謝姨媽同姨姨對囡囡既悉心照顧!
仲有表姐成日攪笑~ 全靠你地, 今個旅程先會咁開心!

希望快d可以再一齊去旅行!
下次希望可以搭飛機啦!

媽媽生日

今年生日, 雖然囡囡病了, 吾可以去街慶祝...
不過可以聽到囡囡同爸爸唱生日歌俾我聽~



真係覺得好開心!

囡囡仲好緊張我會吹熄支爉燭, 要吹得快過我添! 好好笑!
希望將來可以煩惱盡消~
健健康康~ 開開心心~

Toy story

近來囡囡中左電影Toy Story毒,
日日都要睇番幾次至開心,
巴斯光年同胡迪已經入哂腦,
仲可以講埋d劇情俾我知!


啱啱出埋第三集, 又可以loop住咁睇喇!

囡囡今日睇緊Toy Story時話:
不如買巴斯光年玩具返黎一齊一飛沖天啦!
媽媽: 一齊睇開心d呀?
囡囡: 係呀!
媽媽: 一陣睇醫生你吾扭計, 乖就買啦!
點知佢真係無扭計, 仲無喊添!

諗住去書局買本Toy Story書俾佢算啦!
點知佢睇都吾睇就話:
吾要巴斯光年書, 要巴斯光年玩具呀!
哈哈! 真醒目!

最終買左...好貴...好肉痛...
好耐無試過買咁貴既玩具喇!


返到屋企好開心既囡囡,
仲同佢地傾左好耐計...

不過之後囡囡話:
無牛女既? 無狗狗既? 無豬豬既?

囡囡你吾係想要哂入面d玩哇! 好貴架!