親子聖誕活動

次次參加囡囡學校既親子活動都好忙, 上次去旅行就行黎行去搵答案, 今次既聖誕活動就係要完成六個遊戲之後先可以拎份禮物走。

畫畫框, 觸覺遊戲, 肌肉遊戲, 整個腸仔麵飽卷, 音樂遊戲, 最後就去禮堂睇紙牌公仔畫劇, 唱下兒歌終於玩完, 拎埋件小禮物, 話咁快就攪左半日。


我一直以為而家既幼稚囡, 聖誕一定有小朋友表演睇添! 不過阿女間幼稚園好似好提倡親子活動咁! 要行黎行去，排隊等一輪先玩到一陣，但係阿女又話玩得好開心喎! 不過我同爸爸就...hehe


阿女吾該你吾好咁怕羞啦！係屋企唱歌就大大聲，係學校就蚊子咁細聲，邊有人會聽到先! 畫公仔就一定要畫隻曱甴先，攪到張聖誕卡，聖誕相架都有隻係度，你係未玩我先，正衰女！

阿女教英文

阿女好鐘意上英文堂, 學識小小就扮代表, 教番我轉頭。

女: 巴士英文叫ba..s, 的士英文叫tax...s, 咁私家車英文就係 c ka che 喇! ( 繼續將廣東話轉小小音)
我: 吓! 哈哈!

女: 媽媽你知吾知L係讀al...無lu架...仲有魚魚就叫fish... 無shu架!
記住啦!
我: 係! 知道!

女: 媽媽, 今日好天, 你知吾知英文點講?等我話你知啦, 好天呢就叫做sunny day喇!
我: 咁吾好天呢?
女: 吓! 未落雨day囉!

阿女你咁都得？哈哈！

親子聖誕卡

原來而家小朋友讀書, 吾只佢有功課做, 家長都有架喎!

聖誕就到, 緊係要做親子聖誕卡喇! 今次真係全家人整, 爸爸畫公仔, 媽媽整聖誕樹, 囡囡油顏色同貼相。好親子呀!

不過個衰女話吾靚喎! 哈哈! 其實有得交已經好好啦!

卡面和裡面，都吾係好差啫！hehe

吾知下次又有咩功課做呢？
對於返工既我，每晚只有15分鐘可以坐低睇下電視，d功課希望可以簡單d啦！

獅子

爸爸同阿女睇動物書,
爸: 你見過大象未?
女: 見過啦!
爸: 咁長脛鹿呢?
女: 上次見過啦!
爸: 獅子你就未見過喇!
女: 係咩? 媽媽我未見過獅子架?
媽: 係喎! 你真係無見過喎!
女: 真架? 我未見過獅子, 剩係睇過"獅子王"咋!

哈哈! 阿女你個爛gag又幾好笑喎!

靚女

近來係街度多左人叫阿女做靚女, 有日食早餐既時候, 囡囡又俾人話佢靚, 然後佢怕怕羞羞咁問我: 點解咁多人叫我靚女既?
我: 佢地係女人都叫靚女架啦!
囡: 吓!
咁啱有位師奶入黎..."靚女, 今日想食乜呀?"
我: 係未呀? 人人都叫靚女架!
囡: 係喎! 咁攪笑既! 哈哈!

自此之後, 而家再有人叫囡囡做靚女, 囡囡都無咩感覺, 吾會真係以為自己係靚女喇! 哈哈!


阿女，靚吾靚又有咩所為，最緊要你健健康康，吾好咁肥我就開心喇！

牛仔褲

有次出街爸爸同囡囡著左呢個look


囡囡係咁問: 著牛仔褲靚咩?
我地當然答: 好靚呀!
囡繼續不停咁問: 乜女仔著牛仔褲架咩？
我地就不停咁答: 係呀！你著得好靚呀！出去喇！
不過囡囡吾信，出到去仲好吾開心, 問佢點解?
囡: 我而家成個男仔咁!
我: 吾係呀! 媽媽都著牛仔褲啦!
囡: 你係大人吾同架, 小朋友咁著就係男仔黎架喇!
我: 但係你而家長頭髮喎! 無男仔長頭髮架麻! 所以你著咩都似女仔架!
好彩呢句work! 囡囡聽完即刻開心番!
吾係又有排煩喇!

點解我個女咁貪靚架! 又係遺傳呀？哈哈

適應期

今日問囡囡, 返學開吾開心呀?
囡囡好冷漠咁答: 開心...
我: 無同小朋友玩咩?
女: 無, 我鍾意自己玩! 佢地都吾同我玩既! d小朋友都吾鍾意我, 仲fing開我隻手...
我: 係未你太熱情, 嚇親人呀?
女: ...
我: 咁有無同小朋友傾計?
女: 返學吾準傾計架! 要聽老師講野!
我: 咁你鍾吾鍾意番學?
女: 鍾意, 因為有卡通睇
我: 你係未鍾意返學前班多d?
女雙眼發光: 係呀!
我: 但係你大個女要返幼稚園, 無得再返學前班喇!
女: ...

我諗佢仲未習慣返學, 雖然無扭計話吾返, 不過見佢就吾係咁開心, 好似悶悶不樂咁, 今日仲問老師放得學未?

希望佢可以快d適應啦!


加油呀！

絕食

囡囡出世之後, 從來都吾駛我擔心佢吾食野, 剩係擔心佢食得太多野。

不過今次既病, 令到囡囡首次玩絕食, 其實佢吾係吾想食, 係喉嚨痛到食吾到, 望住佢有嘗試放入口, 不過太痛, 即刻喊哂!

3日無咩點食過野落落肚, 有朝仲餓到嘔黃膽水, 無法唯有逼佢食, 一路鬧一路餵, 佢就一路喊一路食, 我都覺得自己好殘忍, 不過無辦法!

高燒左4日先退燒, 終於放心哂!

吾怪之得d人話小朋友一返學就瘦啦! 返兩日就病三日, 咁病法吾瘦至奇! 無返學都有5日, 聽日返學之後, 希望你抵抗力好d, 日日開開心心, 健健康康啦!


病好後既囡囡瘦左少少，肚腩細左，pat pat都細埋，不過仲好好肉地架！

擔心

今日吸塵既時候, 阿女話要幫我掃地, 我望住佢拎住把玩具掃把掃緊樓梯既時候, 突然失去平衡, 向前再碌多左兩個圈咁跌左落去, 我個心即刻跳左出黎, 好驚, 真係好驚, 成世人未試過咁驚, 好彩阿女無事, 真係好好彩。

突然諗起以前最後一次同爸爸去遊樂場, 當我去玩機動遊戲既時候, 爸爸好嚴肅咁同我講"小心d", 現左終於明白當時佢有幾擔心。

以前成日聽到長輩話我"到你做左阿媽就明白!" 原來係真既!

阿女，吾好再嚇我喇！你阿媽我好細膽架咋！

第一日返學

返學喇! 玩左三年既囡囡終於要開始佢漫長既學習生涯, 希望佢可以學到知識, 亦會學到良好既品格, 做一個健康既好人, 我就已經心滿意足。

第一日返學, 緊係要影相留念, 點知阿女又擺個古靈精怪既pose


囡囡一心以為有得玩，點知聽左半個鐘學校介紹，去到班房坐左一陣，拎埋書包就放學。佢咩都無玩過...


睇下佢悶到...哈哈


阿女一定以為好似以為學前班咁，一入去就可以玩到放學啦！

希望佢日日返學都開心啦！其實我吾需要佢好叻, 亦無諗過佢會文武雙全, 只要佢學到有興趣, 做到喜歡既事。每日快快樂樂, 已經好足夠。

可能我呢個想法對於現今社會係好落伍, 會令到阿女起步遲好多, 但我始終認為輕鬆快樂既學習環境, 對小朋友既成長好重要。

阿女！加油呀！我都要加油執番以前個書包喇！哈哈！

扭計豬

今晚放工返到屋企, 囡囡: 媽媽我今日無扭計呀! 仲一d都無喊過!
我: 真既? 咁我問下嫲嫲先!
囡囡呆一呆, 不過都繼續講: 好哇! 係真架! 我今日好乖!

然後走去好大聲同爸爸講: 你話無呀! 吾好話俾媽咪知呀!

不過阿女, 我聽到喎!


呢位扭計豬，有咩可能會全日吾扭計架？仲越大越扭得勁添...=.="

英文名

由個女出世到而家, 一直都諗吾到佢既英文名, 想搵個同佢中文名音近似既, 一係同人一樣, 一係就覺得吾適合! 唯有等佢大d自己決定!

有日佢同我講: 媽媽, 我英文名叫Emily呀!
我: 點解既?
囡囡: 因為我鍾意囉!

最初我以為佢講完就算, 好快會吾記得。點知久吾久問佢英文名叫咩? 佢都係答: Emily!

哈哈! 係返學前囡囡有自己既英文名, 真係好呀!


不過吾知佢遲下會吾會一陣改叫Mary, 一陣又改叫Luxy呢!

笑話

爸爸同個女畫公仔問: 呢隻係咩?
囡: 蛋蛋
爸: 叻! 咁呢樣呢?
囡: 腸腸!
爸: 叻喎! 呢個呢?
囡: 吾知
爸: 呢個係梅菜蒸豬肉!
囡: 哦! 吾準蒸豬肉!
爸大笑: 吾係吾準! 係梅菜呀!
囡: 未吾準蒸豬肉囉! 好好味架? 你地點解笑呀？
阿女, 今次又俾你笑死喇! 哈哈!

學生相

問囡囡: 點解你影相吾笑呀?
囡囡: 哈哈! 我怕羞麻!
我: 男人影架?
囡囡: 係呀!
我: 你仲驚男人咩？
囡囡: 係呀！仲有小小驚！
我: 傻瓜！

第一張學生相, 竟然咁cool!
好彩套校服都幾靚，
不過囡囡就著到好似大個左好多咁！

話咁快就要開始佢既學校生活喇！
希望佢可以開開心心，醒醒目目，少病少痛！

我要著裙

今日趁囡囡未起身, 同爸爸一早去睇早場, 囡囡係屋企等我地既時候, 嫲嫲話佢企係門口望左好多次, 問左好多次, 睇下我地番黎未。

一見到我地返到, 佢興奮到通屋走, 好好笑....

不過之後又係因為著衫問題, 扭到七彩, 仲俾我打左獲金。

真係吾明著咩衫出街又有咩所謂呢? 而家去邊都話要著裙, 褲都吾肯著, 著黎著去都係果幾條裙, 佢吾鍾意既衫, 就求佢都吾著, 仲要狂發癲, 情願無街去都吾著。有時連瞓覺衫都要揀, 攪到我頭都痛！

次次我放假都係咁, 一早講好都無用, 係都要又扭又鬧, 攪成個鐘先出到去。唉! 真係俾佢激死!

點解我個女會咁架? 不過我記得我細個就因為吾肯著裙出街, 扭計攪到俾人打, 估吾到我個女竟然同我一樣...無奈...

我知俾婆婆或者姨媽佢地知道, 一定會講"報應"呀!

呢件衫我都講左好耐佢先肯著，佢覺得件衫吾夠長，吾係裙喎!

I love 囡囡

有日我放工之後好攰, 吾想講野, 瞓左係度睇電視既時候, 囡囡見我咁, 問: 媽媽你吾開心呀?
我: 吾係呀!
囡囡: 你一定係吾開心啦! 你次次吾開心先吾講野既!
我: 哈哈! 你又幾了解我喎!
囡囡: 緊係啦！你吾開心呢，就吾講野！你開心呢，就會講好多野！
爸爸: 咁你氹番媽媽開心啦!
囡囡: 佢吾係吾開心呀! 佢眼瞓咋! 瞓醒就無事架喇!
全家一齊笑左!

估吾到三歲既囡囡竟然咁清楚我! 真係心都甜哂!
我慶幸上天送左呢份咁珍貴既禮物給我! 我地以後大家一齊開心，一齊講好多野啦！

MaMa手作仔 [3]

做公仔已經成為我每晚既娛樂, 囡囡一瞓著就開工,
吾覺吾覺, 又整左幾隻!

3歲既囡囡公仔

朱古力狗狗

心心人, 囡囡叫佢做"I Love You"

仲有小企鵝仔!

囡囡而家好有性格, 吾係隻隻公仔都肯影,
要佢鍾意再加心情好先得, 呢位私家model越黎越難控制喇!

結婚？

近來阿女成日講, 媽媽我結婚喇!
我問: 同邊個?
囡囡: 同學A
我: 女仔黎架喎?
囡囡: 吓! 咁同學b啦!
我: 點解要同佢結婚?
囡囡: 因為我想結婚囉! 人人都要結婚啦! 同爸爸, 媽媽一齊結婚...

今日仲加埋話要拍拖!
我: 囡囡你記住十八歲先準拍拖, 三十歲先好結婚! 而家就可以識好多朋友仔, 知吾知道?
囡囡: 知道

哈哈! 我都知你吾會明白我講緊咩! 其實拍拖同結婚你都未知點解, 只係吾知係邊度學左, 可能電視又或者係卡通片, 而家d小朋友真早熟! =.="

仲好老積添呀！

搭西鐵

因為怕左阿女搭巴士暈車浪又嘔, 近來我地出街都搭西鐵, 囡囡次次一入去就會話無位坐既, 好攰呀我! 有時仲會想我抱, 好彩既時候會有d叔叔(只有係中年男人)肯讓坐, 有時都覺得吾係幾好意思! 好似逼人起身咁!

不過都吾係次次都咁好彩, 算啦! 香港係咁架喇! d優先坐係俾d行得快既人優先坐, 有幾多時候真係會俾有需要既人坐架! 係呢方面台灣同日本既教育就好好多喇!

回程就可以搭番巴士俾囡囡charge下電, 如果要我抱住瞓著既佢搭西鐵, 係咁轉車, 諗起都驚!

阿女你快d吾暈車浪啦! 我吾想再要揹住成身嘔味咁行街又或者無端端要破財買衫呀!

仲有記住呢架係港鐵，吾係輕鐵呀！

雙子囡囡

爸爸: 囡囡你最錫邊個?
囡囡: 最錫爸爸
媽媽: 咁我呢?
囡囡: 最錫媽媽
爸爸: 咁即係邊個先?
囡囡指住爸爸: 最錫爸爸
再望住我: 最錫媽媽

囡囡有日發脾氣怪我吾同佢玩: 我而家吾開心呀! 我以後吾同你玩喇! 吾同你去街呀!
我笑住答: 好野! 都好喎!
囡囡即刻由惱變笑話: 吾係, 我講下笑啫!

又有次囡囡又惱, 走左去廚房自閉既時候, 我: 好肚餓! 爸爸不如食片片啦!
囡囡即刻衝出黎: 好呀! 我又食!
我: 你吾係惱咩?
囡囡: 我飲水水咋麻! 媽媽食片片啦!

有日媽媽心情吾好!
爸爸: 媽媽吾開心, 你氹番佢開心啦!
囡囡: 媽媽吾係吾開心, 佢眼瞓咋! 瞓醒就無事架喇!

囡囡皮膚吾好, 同佢搽藥膏既時候, 我諗我個樣好嚴肅...
囡囡問我:媽媽你吾開心呀? 
我: 媽媽吾係吾開心, 係擔心。
囡囡: 我而家吾痕喇! 我會好快好返, 你吾好擔心啦!

曾經聽聞雙子座既小朋友好識講野，原來係真既，囡囡心情好既時候把口真係好得，氹到我地好開心！其實都吾知佢學邊個，全家大人講野都直腸直肚，可能真係天生！

不過到佢扭計同玩固執既時候，我地就頭都痛埋！

我都係鍾意開心既囡囡，阿女你扭少d計啦！

Happy 3rd Birthday!

話咁快就三歲, 多謝咁多位姨姨叔叔仲有嫲嫲, 婆婆, 姨媽, 表姐對囡囡既愛鍚, 收到好多禮物, 仲食左三次蛋糕, 令到囡囡以為成個月都係佢生日, 哈哈!

生日同囡囡去泳池游水, 無咩人, 好好玩,
囡囡仲同我一齊sir滑梯, 吾再驚驚, 大個女喇! 叻叻!

囡囡3歲生日快樂!
媽媽希望你返學之後可以識多d朋友仔, 個人就吾好再咁怕羞, 要nice d, 開心d, 笑多d, 扭小d, 惱小d, 瞓多d, 食小d, 郁多d, 皮膚好d, 不過最緊要都係要健健康康啊！

捉弄孩子

今天看了這篇-

捉弄孩子，是成人居高臨下地利用孩子的幼稚，故意讓孩子犯錯誤、哭泣和害怕。它的目的是逗大人高興，給孩子帶來的是羞辱、擔優和失落

其實這些行為都會給孩子心理上造成傷害。它對孩子來說毫無趣味，只會讓孩子有不安和不被尊重的感覺，損傷孩子的自尊心，增加孩子的社交恐懼和對他人的不信任。

這不是小事，事關孩子的事情沒小事，在大人眼裡是小事，在孩子來說卻是大事....

呢篇文真係寫得好啱，我發現好多男人都好鍾意整蠱小朋友，特登激佢地，攪到小朋友惱，佢地就好開心，佢地根本吾係同小朋友玩，只係玩d小朋友，真係吾明呢d係咩心態？

有無諗過我地細時會吾會鍾意同呢類大人玩先？

I love swimming

悶左一個禮拜, 終於等到周末, 點知天氣預報又話落雨, 仲down, 又無得玩啦!

好彩今日準備出去既時候, 咦! 有太陽喎! 即刻執野去泳池游水先!

初初去到囡囡又係好驚, 要抱住, 吾肯玩水泡...咁我緊係游番幾個塘發洩下d悶氣先, 等爸爸同佢warm up下!

叫極都吾肯玩既囡囡同我講: 媽媽, 黎d度游水要帶眼鏡架喎! 買俾我好吾好?
哈哈! 原來佢見到人人都帶住泳鏡!
不過我答: 你咁驚, 吾駛用啦! 除非你肯玩水泡, 吾驚水先買俾你啦!
呢招好有效, 囡囡即刻肯穿落水泡, 吾再做樹熊, 仲越玩越開心添!

我地一路游一路唱左好多次"世界真細小"我諗當時應該嚇親人，因為囡囡唱得好大聲哇，哈哈！ 佢不時又會提我: 一陣買眼鏡, 我要粉紅色!


終於買左，係屋企都要戴住，個樣好傻呀!

玩左兩個鐘, 囡囡冇哂電, 反而我就charge番電, 爽呀!

希望今年夏天既weekend可以多d太陽啦!

旅行趣事

四月尾既旅行, 囡囡high足四日, 行為失常, 不過又非常好笑, 今次第一次三人行, 雖然攰好多, 不過就開心好多!

囡囡第一晚同我講: 媽媽, 台灣真係幾好玩! 我好開心呀!

次次食野都會講: 好味! 呢間真係幾好味喎!

有日食食下野, 囡囡突然好大聲指住斜對面個c9講: 媽媽, 你睇下. 佢撩緊鼻屎呀!
即時一定要話佢，不過我係忍住笑咁話佢，好彩人地聽吾明，吾係就大獲！

我搵緊路既時候, 囡囡話: 你又行錯路呀!

行緊上樓梯既時候, 行到一半, 囡囡突然大叫: 唉! 我好攰喇!

行左一日, 又抱左佢半日, 吾知囡囡係未知我辛苦，食完晚飯同我講: 媽媽, 我以後自己行, 吾駛再抱架喇! ... 係未真先...不過呢晚真係無扭抱，但係第朝瞓醒就吾記得左喇！

係自動門既門口係咁跳, 原來佢扮緊巴斯光年...有睇toy story2既就會明白

買手信試味，俾左啖原味乳酪佢食，點知佢話: 咩味黎？好似屎味咁既？
好彩個sale聽吾明，不過佢都估到係衰野！

去到溫泉博物館，當我好開心係咁影相，囡囡問: 媽媽，乜你好鍾意影相架？咁我擺pose俾你影啦！

今次自由行，囡囡都算乖，無咩扭計，全程無嘔，搭飛機又無耳仔痛！仲四日都好好天，真係難得既好彩呀！


吾知幾時可以再去旅行呢？

騎馬仔

近來囡囡好鍾意騎馬仔

行行下街要騎熱鬥小馬

再騎埋另一隻

去到冒險樂園又騎

連去反斗城都有得騎

以前就求佢都吾肯坐下，係咁話好驚，
而家就去到邊都要騎下，仲同我講想玩旋轉木馬！
咁未好囉！吾好咁細膽，咩都要試下玩麻！

Barbie?

囡囡近來叫我由mama變左mami, 咁都正常...
不過papa就變左barbie....會吾會怪左d呢?
每次睇呢張相都會笑，原本囡囡好有自信擺好pose俾我影，不過我同爸爸都忍吾到笑，囡囡仲惱爸爸笑到好大聲！

囡囡扮barbie同爸爸叫做barbie同樣都係...
好吾襯哇！哈哈！

唱我們這一家

每晚都要睇下卡通片先肯瞓既囡囡,
今晚輪到睇花師奶, 睇下佢幾high



有時仲會同爸爸一齊唱
"別怪他...別怪他...別再傷心對化"

廣告效應

每次廣告播迪迪尼既時候, 囡囡都會問: 我地幾時去迪士尼呀?
每日瞓醒又會問: 今日去迪士尼呀?
足足問左個幾月, 我地終於還左佢心願...
今次仲有bb, 叔叔, 契契佢地, 咁多人同佢玩，好開心!

到走既時候再問佢, 下次仲黎吾黎呀? 囡囡答: 下次去海洋公園啦!

自此之後...
囡囡: 媽媽, 不如我地一齊去海洋公園, 好吾好呀?
媽媽: 吾好...
囡囡再問: 爸爸, 你去吾去去海洋公園呀?
爸爸: 吾去...
囡囡好失望咁: 咁吾好去啦!
媽媽: 不如你自己去啦!
囡囡: 吓! 我自己去? 吾得架, 差人叔叔會拉架! 小朋友吾可以自己去街架, 出街要拖住, 吾係會俾人拉架!
媽媽: 哈哈! 咁遲d先去啦!
囡囡: 好野, 遲d可以去海洋公園!

以上對話已重覆又重覆, 只要每次一播廣告都會問...有時仲會改成, 媽媽, 你係未好想去海洋公園呢? 點解變左我想去既...

囡囡趣事

有日係茶餐廳食完焗通粉, 走既時候囡囡話: 呢間幾好味呀! 不如下次再黎啦! 吾好成日食餐蛋麵! 食得多無益架! ...其實係你次次都話要食餐蛋麵咋喎!

又有次當我沖涼既時候, 囡囡走入黎, 仲拎住iphone話:媽媽你笑啦！...
我大叫:哇！吾影得相架！囡囡好奇怪咁問：吓！吾影得, 然後好努力係iphone度搵野, 之後佢好大聲講: 媽媽, 你睇下...

哈哈! 係喎, 我影過你沖涼相!
不過都係bb先得, 大人就吾得!
會嚇親人! 好驚架! 哈哈!

咀呢？

Mama新手作,
今次整大d, 等囡囡好攬d。

暫時有貓貓同bear bear

不過囡囡投訴:點解貓貓無咀架？
咁佢點食粥呀？俾番個咀佢啦！
囡囡，你吾覺得無咀cute d咩？哈哈！
Ok! ok! Bear Bear俾番個咀佢啦！

不過夏天都係開冷氣先好玩,
攬住佢地都好熱下！

口頭蟬

仲有近來囡囡既口頭蟬
食野既時候: 真係超好味喎!
係迪迪尼既時候: 我好驚喎! 超驚呀!
睇卡通: 呢套真係超好睇呀!
玩公仔既時候: 超得意呀!
大人睇電視既時候: 唉! 都無人理我既, 超悶呀!

咩都要加個超字...

其實屋企無人會咁講野, 真係吾知佢係邊度學既!


囡囡你真係超誇張呀!

自己著鞋

近來發現囡囡識得自己著鞋



不過就剩係識著呢對，同埋仲係成日左右不分囉！

十歲前的嚴母

十歲前當嚴母, 十歲後做朋友。

我以呢個原則來當母親, 不過對於囡囡黎講, 我想有時係有點殘忍. 經過好多既責罵, 少許既體罰, 再加大量既道理, 近來囡囡小左亂扭計, 小左瞓覺賴床, 因為驚會鬧, 吾敢亂發癲。

其實咁對佢係未真係好呢? 定或者只係令到大人生活得安靜d?

我希望我女兒能夠獨立, 有困難懂得自己想辦法解決, 所以我好少幫佢, 好似食飯咁, 近來我已好小餵佢, 佢已經懂得怎樣使用餐具, 亦懂得怎樣咬開食物, 既然懂得自己處理, 那便無需要餵, 雖然佢好多時都會無耐性, 食食下吾食, 我會讓她走開, 亦會對佢說, 吾食就無架喇! 會到下一餐再俾佢食! 對我來說, 小朋友肚餓就會識得搵野食,何必要逼呢?

太照顧小朋友只會害左佢, 你越愛佢, 越吾應該幫佢, 每一日對小朋友都係一件學習, 我地大人為何要阻止佢嘗試呢?每一次既錯誤，就係成長既經驗！

係街度見到好多幾歲既小朋友, 出街食飯還要剪刀剪碎, 對腳就吾係用黎行既, 只係坐bb車...

囡囡已無坐bb車好耐, 亦已經過左扭抱吾願行, 係街上多次被鬧既場面, 現在佢好少扭抱, 有時行左好耐, 我都知佢好攰, 有次佢竟然同我講好攰喇! 返到屋企未呀? 行快d啦! 呢句令我覺得好安慰！

將來囡囡仲有好長既學習既路, 亦會有好多吾同既問題出現, 我希望我可以教育佢成為一個有愛心, 開心，獨立而又有高eq既好人。


條路仲有好長，阿女一齊加油啦！

Mama手作仔[2]

繼續玩下整公仔

同polar bear一齊瞓會吾會sweet d


又落雨又閃電...
囡囡仲話黑雲？好驚啫！
不如你整埋星星啦！月亮啦！
同埋太陽，好吾好呀？

咁多？
不過我想整份生日禮物俾你多d，
諗諗先！

電視迷

有晚囡囡突然跪左係地度好怕羞咁同我講: I Love You.... 我呆左 ... 求婚？

有晚囡囡用張被包住個頭講: 媽媽! 我結婚喇! 我笑住咁答: 咁快, 你未到三十歲都吾好結婚呀! 囡囡: 點解呀? 我想結婚呀...其實你知吾知結婚點解架?

囡囡有次同爸爸玩緊打功夫既時候: 我打你, 你係男人... =.=

有晚難得地可以同囡囡睇哂成套愛情電影, 雖然佢不停咁問: 佢做咩? 點解咁既? 佢去邊呀? 不過我都叫做可以坐定定睇完套戲, 而囡囡睇完既評論係: 呢套戲幾好睇, 都無打交... 我笑左好耐

有時遇到d咀咀鏡頭, 我又吾想吾俾佢, 驚會仲加添佢既好奇心, 不過佢次次睇完, 都會即刻走埋我度又要咀咀, 仲要學足表情... 我有d驚

阿女你真係一個電視迷呀! 可能因為胎教既時候我成日煲日劇啦!

放心, 我地有PG家長指引架!
應該吾會學壞, 不過就老積左d囉...=.="

士多啤利園

好耐無郊遊,
要去吸收下大自然既正能量先！

同囡囡去左摘士多啤利,
成家人都係第一次摘, 又幾開心喎!


教左幾次, 囡囡已經識得自己剪喇!
我地係咁讚佢"哇! 你好叻呀!"


攪到佢好開心, 咩都要自己拎哂,
一話有就即刻衝過黎剪。

原來摘士多啤利都幾考耐性架,
要搵d又紅又大, 都要d時間,
可能人多，之前已經摘哂啦!


摘左咁少都要八十元, 幾貴,
不過又真係好甜, 好好味既。


摘完！
囡囡好自信咁講, 我自己剪架！
我好叻呀！

Mama手作仔

囡囡越大, 媽媽既私人時間就越長,
對於吾多願瞓既我, 夜晚真係好無聊,
之前玩過好多野, 不過都好快就覺得好悶,
近來終於搵到樣可以玩耐d既興趣喇！


第一次試玩作品: 兔兔


大象與鯨魚公仔


蛋蛋杯墊

次次整完，囡囡都會話好靚呀!
呢句令我更加有滿足感...hehe

囡囡又會俾意見我，
d公仔既顏色都係佢揀既！
囡囡你真係好呀！
等我繼續整多d俾你玩啦！