唱雜錦

繼日日唱abc歌之後, 囡囡而家識唱數字歌,
Twinkle Twinkle Little Star,
同埋識得背係學前班教既
"床前明月光,疑似地上霜。
舉頭望明月,低頭思故鄉。"



吾知大家聽吾聽得明呢? hehe

沙灘樂

夏日炎炎, 最好就係去沙灘玩,
感覺好relax~

囡囡好鍾意玩沙沙,
仲係咁叫我地一齊玩啦!

係灘邊踏下浪, 玩下水都好開心!

不過就好驚玩水泡, 而落水就一定要抱住,
仲攬到好實... 要講好多次玩水水,
同佢拍下水先好d, 無咁驚!

上番岸, 開心哂~

都係玩沙沙開心d, 今次同朋友仔謙謙一齊玩~

玩完佢地仲拖住手仔一齊走添, 好溫馨呀~

希望今個summer既weekend, 大陽伯伯都會開工啦!

招牌pose

阿女而家一見我拎起部相機就會係咁擺pose,
引我地笑, 我地笑得越大聲, 佢就越開心~

近來佢既招牌pose...

哂功夫~

扮model~

扮少女, 仲將餐巾扮披肩~

扮花花~

扭pat pat~

佢d pose好多都吾係我地教架!
我諗佢係睇電視學番黎, 仲越學越老積添!

勁焗的週末

今個週末真係好焗, 焗到抖吾到氣咁,
又有驟雨, 攪到我地吾想出去,
留番係屋企玩啦!

咁熱緊係玩水水啦!
囡囡次次玩水都好開心, 玩到吾願走,
結局都係扭計收場...

同囡囡玩影相, 而家佢一見到鏡頭就會係咁擺pose...

仲會越影越high, 好好笑~

呢個收銀機, 囡囡次次去到玩具部都會玩,
見佢咁鍾意, 就買俾佢啦, 囡囡一路玩,
一路仲話好好玩呀!
不過佢仲未識, 問佢幾錢,
佢只會答"一錢"...一錢係咩黎架囡囡??

終於搵到呢款平平地既櫈仔喇!
囡囡都超鍾意, 去邊都要拎埋去坐,
仲想拎上房一齊瞓添! 真誇張~



仲有囡囡既歌聲表演~~
開左冷氣, 做咩都舒服d~ 呵呵

咁快又放完假, 下個禮拜再玩啦!

臭臭

估下囡囡點解要掩鼻?

佢話自己d便便好臭喎! 哈哈

囡囡而家每次去大大都會掩住個鼻,
係咁話d"吾吾"好臭呀! 仲會問我臭吾臭呀? 好好笑~

囡囡個鼻仔好靈, 小小怪味都會話臭,
有時我都未聞到, 佢已經掩住個鼻話好臭,
成隻狗仔咁呀!

搭巴士又話巴士好臭, 小巴又話好臭,
仲要全程掩住個鼻, 成個潔癖妹咁!

有時行街有d有味阿伯經過, 又會掩住個鼻話臭臭,
即刻拉佢走啦, 好驚俾人打呀!

媽媽隻狗鼻...估吾到遺傳左俾囡囡!

又煮飯仔先

囡囡而家玩煮飯仔玩到似模似樣...



動作仲學足大人,好老積呀!
其實d食物玩具已經俾囡囡攪到吾見左好多,
而家得番幾件剩咋!



平時d野食小小熱阿女都吾肯食架!
點知玩煮飯仔都係咩都話熱, 要攤凍...=.="

學跳舞

我部ipod已經變左囡囡既玩具,
每日佢都會攬住部ipod玩Game或者睇片,
不過入面既apps都好益智, 教識左阿女好多野,
好似color, number, A-Z, 仲有佢既至愛Thomas game...
囡囡仲好鍾意睇住d兒歌mtv學唱歌同埋跳舞添!



而家佢就睇緊Nobody既兒童版, 吾知佢幾時會學識呢?

2歲既囡囡

2歲既囡囡

而家有93cm高

16kg重

睇過健康表個chart, 仲keep住係大碼條線度, 未超標,
不過係3歲既大碼, 咁未即係佢既身型大左一年咁多...哇!!

囡囡而家識得A-Z, 1-10, 不過吾識得睇個1字, 成日講左係I...
仲識One-Ten, 當然又係無左個six啦!
顏色就識得紅色,黃色同藍色

唱歌就識唱abc, 生日歌同埋數字歌~

講野就越黎越叻同埋好老積, 有時就俾佢笑爆咀,
有時又會俾佢激到噴火!

仲越黎越扭計, 又識恰人, 又開始講大話,
一吾鍾意仲會話吾要媽媽, 吾鍾意媽媽添!
呢D係未就係所謂既Trouble two呢? 唯有慢慢教啦!

傻左

囡囡眼瞓到傻左, 係咁講外星話, 吾知佢講咩??



囡囡一開始攰就會high, high到盡就會癲!
狂扭計, 完全失控...怕怕!

玩反叛

囡囡呢期玩反叛...
媽媽:「囡囡乖吾乖?」
囡囡:「吾乖!」
媽媽:「聽話啦好吾好?」
囡囡:「吾好,吾聽話,要曵!」
媽媽:「吾好玩喇!要瞓覺架喇!」
囡囡:「吾瞓覺!要玩...」
媽媽:「痾豬豬要點呀?」
囡囡:「瀨尿!」
咩都同我啪反調,再話多佢兩句,就即刻發爛,又喊又叫...俾佢都激到我扎扎跳...
我見硬招吾得, 就轉用軟招啦! 以柔制剛, 又work喎!
阿女態度軟化左, 反而肯聽話, 教佢真係要鬧智鬧力呀!

好味!

今晚簡簡單單煮左咖哩牛,洋蔥豬扒,抄青菜,粟米湯~
點知阿女試左一啖, 即刻話好味呀!
菜菜好味~ 洋蔥好味~ 肉肉好味~
全餐飯都吾駛我餵, 自己食哂! 叻叻呀!
見佢每啖都食到好滿足咁,
攪到我好鬼開心!

其實我d廚藝麻麻地架咋!
係搬左屋先開始有機會煮,
不過好彩爸爸同囡囡次次都食得落!
仲未投訴過! 哈哈