1歲半

囡囡1歲半喇!

今日同囡囡去健康院檢查,
而家囡囡90cm高,14.2kg重,
全部超過哂歲半既標準,
呢個係2歲先應該有既身高同體重,
姑娘都問佢食咩食到咁大隻...哈哈

我幾驚吾啱標準又要去見醫生,
好彩囡囡既身高同體重都ok,
只係大碼b, 吾係超磅b, 安樂哂~

姑娘叫我地同佢講多d真實話,
吾好講食mum mum, 要講食飯, 食橙咁喎~
仲叫我地買d煮飯仔同佢玩, 等佢識多d食物,
咁我地緊係即刻走去買啦!

囡囡原來除左鍾意食, 仲好鍾意玩煮飯仔架!
教佢切蘋果, 佢就係咁講切,切,切...
煎pan cake又係咁叫煎..煎..哇...
玩左成晚, 真係好開心呀~^^