同姨媽慶祝生日

囡囡好鍾意姨媽, 日日都會叫住姨"爸", 叫吾停...
今日姨媽生日, 一齊去左馬灣玩,
囡囡仲氹到姨媽不知幾開心添!!

行行下都要親親, 好痴纏呀!!

真係sweet爆!!

囡囡:「姨媽, 生日快樂!!」

花女 - 行禮喇!!

係咁重要既時刻, 囡囡竟然...



真係吾知好笑定好惱!!
雖然我次次睇都會笑~

花女 - 彩排中

第一次試行

失敗...不過都叫做慢慢行...

第二次試行

勁失敗...仲要狂跑...

其實都有試過拋花瓣...

不過最終都係失敗, 完全失控!!

花女 - 準備中

呢條花女裙真係搵左好耐! 之前揀黎揀去都吾啱,
最終搵到呢條個款平實d, 仲要價錢平, 好開心^^

囡囡一見到條裙即刻話靚靚

試下先...
又好啱身喎! 囡囡仲吾願除落黎添, 係咁話自己靚靚~

囡囡:「媽媽話星期六做花女喎! 花女係咩黎架?」

當日囡囡仲要拋花瓣, 其實我好懷疑佢做吾做到,
試下train下佢啦!!



攪成咁...
我諗都係順其自然算...
~哈哈~

From囡囡

扎左辮仔, 我靚吾靚呀?

係吾係真架?

呢個表情係學媽媽既,
一吾鍾意就可以出架喇!!

耐性

近來煩惱事接二連三, 令到我心情好差,
而對囡囡既耐性指數亦降低左好多...
我真係吾想成日鬧佢, 不過同佢講道理佢又當我唱歌!

今晚臨瞓前囡囡又扭計, 忍吾住打左佢一下...
媽媽:「邊個曳曳!」
囡囡喊住咁指住自己...
媽媽:「囡囡吾乖, 媽媽好惱喎!」
囡囡:「吾惱...」
媽媽:「咁媽媽吾啺架喇?」
囡囡:「吾好...」
媽媽:「媽媽講左吾得, 你仲係咁, 係未吾啱?」
囡囡:「係...」
媽媽:「仲扭吾扭計?」
囡囡:「吾吾吾吾!」加狂揮手...
跟住攬實我, 仲係咁要見到我笑~

哈哈, 真係乜火都無哂!
不過我諗再大d佢就吾會咁答我架喇!

玩口水

同囡囡玩吹吹, 點知佢吹吹下變左玩口水,
仲越玩越high...

叫人

自從囡囡識叫人之後,
每日都會重覆又重覆咁講
"爸爸, 媽媽, 姐姐, 表姐, 姨媽...."
講到好似背書咁~



有時仲會叫到好大聲添呀!!

Playgroup - 03 Jan

今堂playgroup又好好玩, 囡囡玩得好開心,
連大人都好開心呀~



玩呼拉圈, 其實miss係要d小朋友捐過去,
不過囡囡無理, 剩係自己玩!!



今堂有新野玩, Miss又扮tiger,
引到d小朋友個個都笑到卡卡聲~~



跳舞時間, 囡囡次次都好投入,
不過除左jump之外, 其他佢都只係自由發揮,
點解囡囡識jump?
全靠disney隻cd, 佢日日睇先識咋, 都跳到有一吋高架!

好enjoy每個星期日可以同囡囡一齊返playgroup,
次次都好開心, 好快就玩左一個鐘!!

Happy 2010

2010~
希望今年一家人健健康康,
日日都可以開開心心~

笑到好似囡囡咁純真^^