送俾婆婆既~

返到屋企, 叫囡囡放番好對鞋仔..

點知行行下, 就俾電視吸住左...

仲睇到已經吾記得左要做乜喇!

條裙仔係婆婆係印尼買架, 囡囡又著得幾好睇喎~
今晚都係特登影俾婆婆睇, 吾好再話我無做野喇~

仲有一條, 下次再影啦~

玩脷仔

近排囡囡識左樣新野..

囡囡呀! 脷仔係邊呀?

但係當囡囡知道脷仔係邊之後, 就係咁玩佢喇...

玩反脷...

玩呻脷...

再玩呻脷...

又玩得好過癮咁喎~

企鵝仔

曾經囡囡對佢好暴力...



今日就對佢不知幾好, 仲咀左佢一啖~



放遠d, 睇下囡囡會吾會救佢先...有嘗試過...
不過最終都係一樣...=.=

扎辮仔

囡囡一直都吾鐘意人地攪佢d頭髮, 除非要係咁讚佢靚靚啦~

今晚同囡囡求其扎左條辮仔, 當然講左好多次靚靚啦...

爸爸問佢邊個靚靚呀!
囡囡好似好怕羞咁摸下自己個頭~
哈哈, 呢個貪靚豬!

抹地bb

吾知囡囡係未見得多我抹地, 佢一有衫或者紙係手,
就會係咁抹地架喇, 今晚佢仲抹得好認真添~



不過抹抹下竟然放入口, 咁好吾衛生喎...要打打架~

打韆鞦

爸爸買俾囡囡既生日禮物, 放左係廳2個月,
囡囡都無理過佢, 點都吾肯坐...



突然有一日, 囡囡自己走埋去, 終於肯玩喇~
而家囡囡一d都吾驚, 仲笑到好開心添~

囡囡呀...

囡囡呀~咀咀係邊呀?


咁鼻鼻呢?


頭仔又係邊呀?


咁頭髮呢?


眼仔又係邊呀?

呢度係咀咀黎架喎~

喂... 囡囡... 眼仔呀... 吾係笑呀...

神奇畫板

爸爸畫完之後問囡囡:「呢個邊個黎架?」
囡囡即刻拍拍自己~

哈哈~ 又真係幾似喎~

打風玩水

就快打風, 趁個風未到, 個太陽仲係度, 同囡囡玩下水先~
今日好熱, 成35度, 又無乜風, 真係熱到熔...

今次用番大機影, d色靚好多, 影到媽媽好鬼開心...哈哈

未放哂水, 囡囡已經急不及待咁衝入去玩~

哈哈~ 好好玩呀~

囡囡你諗緊咩呀?

玩咩好呢??



俾水照頭淋都吾咁開心, 吾知浸哂個頭落水又會吾會驚呢?

呀! 豬豬...

媽媽原本想每晚臨瞓前講故仔俾囡囡聽, 不過囡囡吾show我,
情願自己睇, 吾知係未因為我講得好悶呢...=.=



今晚囡囡一返房, 望到枱面即刻叫:「呀! 豬豬...」
哈哈~ 原來囡囡想睇書書!
睇下佢睇得幾吾專心, 又書又電視, 究竟佢想睇乜架?

唱歌仔

由於囡囡一見到個相機就要搶鏡....頭, 所以媽媽只好偷拍...
佢跟首歌仔唱...E-I-E-I-O...吾知大家聽吾聽到呢~

新泳池

夏日炎炎, 最好玩又消暑既既活動緊係游水啦~
不過今日我地無去沙灘, 變左係屋企玩水, 都一樣玩得好開心~
今次仲買埋電pump, 話咁快就攪掂, 真係超正~

又落雨...

已經好多個禮拜啦...一週末就落雨, 想點呀! >.<

今日仲要打風, 真係到到都無得去啦!
做得咁辛苦, 終於等到放假, 想去開心下, relax下, 點解都咁難架...
唯有又再期望下個星期先去玩啦...=.=

1年前

~ 1年前 ~
第一次坐bb車, 車車太大了, 囡囡好易會跌落地...

~ 今日 ~
架bb車已經同囡囡去過好多地方
原來囡囡大個左好多...
不過女仔咁坐, 好似無咩儀態喎~

好驚呀!

上次同囡囡游水水, 佢一d都吾驚浪,
原來因為上次抱住佢落水先吾驚...



今次俾佢試下自己行落水, 開頭都ok既, 不過d浪黎到就驚驚喇~
下次都係等佢同d浪warm up下先好落水, 吾係我都驚嚇親佢~

睬你都傻

我係咁要囡囡做呢樣做果樣, 囡囡真係睬我都傻呀~ 哈哈~

著鞋仔

今晚個傻豬都吾知點解夜晚晚係都要著鞋, 無得去街街,
著鞋仔係屋企行下都好, 都已經眼瞓到腳軟架啦! 快d瞓覺啦~

沙田遊

近來都吾知點解, 成日一到週末都會落雨,
攪到無得去街街....

不過今日我地去左沙田行街街, 我就覺得好正,
落雨都駛吾驚, 仲可以行足一日, 囡囡仲係反斗地玩得好開心,
玩到吾願走添, 其實佢都係行黎行去咋, 都吾知點解佢咁吾想走...



囡囡, 你想買奶樽呀?



張櫈仔又幾好坐喎!

囡囡好番喇~

囡囡好番喇~
都吾知點解佢會發燒, 好彩食左一日藥就無事, 可能囡囡要大個啩...
同埋見到囡囡又出牙仔, 吾知關吾關事呢?
不過佢好番我就安樂哂~

第一次發燒

囡囡發燒了, 我想是因為上星期打了針的反應, 諗住餵佢食藥, 點知仲攪到佢嘔到一梳化都係, 辛苦了爸爸要抹乾淨添...

不過嘔完之又後, 囡囡好似舒服了很多, 同佢仲完個涼, d體溫變番正常, 希望今晚吾會再升番啦!

囡囡, 今晚你要瞓個好覺, 快d好番喇~

再戰石澳

難得好天, 一定要去游水啦~

不過今日去錯沙灘, 太多人, d水又污漕,
花了1小時等車, 4小時既來回車程, 但係玩既時間只有2小時...
再加上坐隔離幾位熱情既姐姐, 同囡囡玩左差不多1小時...
爸媽同囡囡只係玩左一陣, 相又影得少...真係好吾盡興呀!
下次要去個小人d又近d既沙灘先得喇!

不過吾知要等幾耐先會再有個好天既假期呢...

件泳衣逼左好多咁, 著左兩次咋喎...@.@