驚驚

好耐無寫blog, 俾人投訴添！
換左新電話, 難左update, 吾好意思 :P

個女近來興講驚，係屋企只要一個人就驚， 叫佢自己入房拎野又驚，聽到怪聲又驚， 光線黑左少少又話有壞人好驚。

出街又係咩都驚， 去到公園高d又話驚，叫佢自己爬上去又話驚, 玩韆鞦又話驚...=.="

今日同佢去沙田踩單車， 又係佢話要玩，點知去到竟然驚會跌落河吾敢玩...
有無咁多野驚呀！小朋友！

講極都吾聽， 究竟佢係想我地關心同埋留意佢多d? 定係真係驚呢？
我希望係前者啦！

不過今日阿女終於識踩單車， 都叫叻左架啦！

K1生活

返完上學期之後, 我覺得阿女間幼稚園真係幾好, 會教小朋友自己照顧自己, 要自己拎書包, 著外套, 著鞋, 刷牙, 又會教佢地大人就返工, 小朋友就返學等等. 雖然好似好簡單, 不過我覺得對個女就影響好大, 而家個女明白事理多左, 又無再咁倚賴我地, 係有時懶, 吾想做...

好似刷牙, 我都吾知叫左佢幾多次, 次次都吾理佢, 一係就喊, 講鬧嚇氹咩都試過, 佢都係啋我都傻, 而家學校出左要紀錄小朋友每日刷牙既情況, 阿女即刻肯去刷. 女生外向, 真係無講錯. 老師講一句, 勝過我講一萬句.

不過有件事我估吾到, 阿女係學校竟然好乖, 吾會傾計, 人地同佢講野佢仲叫人吾好嘈, 問佢點解, "佢話驚俾老師鬧, 上堂要聽老師講野, 吾可以傾計架!" 叻, 好彩係呢方面, 佢完全吾似我!

一齊返學

自從阿女番學後, 我都堅持每日都要早起一小時同佢一齊返學, 因為返工既我每日可以見到佢既時間真係好少. 阿女都好合作, 一早起身都好少扭計, 係有次話" 今日吾係放假咩? 我好眼瞓喎!" 佢完全道出左我既心聲, 忍吾住答佢" 我都想..." 哈哈!

試過有一次我吾知醒, 攪到阿女遲大到, 果次我真係好內疚, 邊有阿媽吾知醒架...>.<
即刻走去買多個鬧鐘, 而家一響就即刻彈起身, 吾敢再懶床喇!

朝朝個女搭車既時候都古寧精怪

 扮攰...

扮公主笑

落車既時候, 佢一定講一句"咁快到既, 我想坐多陣喎!"

去到學校門我一定會同佢講好多次"今晚見!" 

有次佢答"知喇! 你講左好多次喇!"然後好大聲同我講拜拜!

但係佢一搭入學校, 即刻會變到好斯文, 講早晨細聲到無人聽到, 變得好快...哈哈

親子聖誕活動

次次參加囡囡學校既親子活動都好忙, 上次去旅行就行黎行去搵答案, 今次既聖誕活動就係要完成六個遊戲之後先可以拎份禮物走。

畫畫框, 觸覺遊戲, 肌肉遊戲, 整個腸仔麵飽卷, 音樂遊戲, 最後就去禮堂睇紙牌公仔畫劇, 唱下兒歌終於玩完, 拎埋件小禮物, 話咁快就攪左半日。


我一直以為而家既幼稚囡, 聖誕一定有小朋友表演睇添! 不過阿女間幼稚園好似好提倡親子活動咁! 要行黎行去，排隊等一輪先玩到一陣，但係阿女又話玩得好開心喎! 不過我同爸爸就...hehe


阿女吾該你吾好咁怕羞啦！係屋企唱歌就大大聲，係學校就蚊子咁細聲，邊有人會聽到先! 畫公仔就一定要畫隻曱甴先，攪到張聖誕卡，聖誕相架都有隻係度，你係未玩我先，正衰女！

阿女教英文

阿女好鐘意上英文堂, 學識小小就扮代表, 教番我轉頭。

女: 巴士英文叫ba..s, 的士英文叫tax...s, 咁私家車英文就係 c ka che 喇! ( 繼續將廣東話轉小小音)
我: 吓! 哈哈!

女: 媽媽你知吾知L係讀al...無lu架...仲有魚魚就叫fish... 無shu架!
記住啦!
我: 係! 知道!

女: 媽媽, 今日好天, 你知吾知英文點講?等我話你知啦, 好天呢就叫做sunny day喇!
我: 咁吾好天呢?
女: 吓! 未落雨day囉!

阿女你咁都得？哈哈！

親子聖誕卡

原來而家小朋友讀書, 吾只佢有功課做, 家長都有架喎!

聖誕就到, 緊係要做親子聖誕卡喇! 今次真係全家人整, 爸爸畫公仔, 媽媽整聖誕樹, 囡囡油顏色同貼相。好親子呀!

不過個衰女話吾靚喎! 哈哈! 其實有得交已經好好啦!

卡面和裡面，都吾係好差啫！hehe

吾知下次又有咩功課做呢？
對於返工既我，每晚只有15分鐘可以坐低睇下電視，d功課希望可以簡單d啦！

獅子

爸爸同阿女睇動物書,
爸: 你見過大象未?
女: 見過啦!
爸: 咁長脛鹿呢?
女: 上次見過啦!
爸: 獅子你就未見過喇!
女: 係咩? 媽媽我未見過獅子架?
媽: 係喎! 你真係無見過喎!
女: 真架? 我未見過獅子, 剩係睇過"獅子王"咋!

哈哈! 阿女你個爛gag又幾好笑喎!

靚女

近來係街度多左人叫阿女做靚女, 有日食早餐既時候, 囡囡又俾人話佢靚, 然後佢怕怕羞羞咁問我: 點解咁多人叫我靚女既?
我: 佢地係女人都叫靚女架啦!
囡: 吓!
咁啱有位師奶入黎..."靚女, 今日想食乜呀?"
我: 係未呀? 人人都叫靚女架!
囡: 係喎! 咁攪笑既! 哈哈!

自此之後, 而家再有人叫囡囡做靚女, 囡囡都無咩感覺, 吾會真係以為自己係靚女喇! 哈哈!


阿女，靚吾靚又有咩所為，最緊要你健健康康，吾好咁肥我就開心喇！

牛仔褲

有次出街爸爸同囡囡著左呢個look


囡囡係咁問: 著牛仔褲靚咩?
我地當然答: 好靚呀!
囡繼續不停咁問: 乜女仔著牛仔褲架咩？
我地就不停咁答: 係呀！你著得好靚呀！出去喇！
不過囡囡吾信，出到去仲好吾開心, 問佢點解?
囡: 我而家成個男仔咁!
我: 吾係呀! 媽媽都著牛仔褲啦!
囡: 你係大人吾同架, 小朋友咁著就係男仔黎架喇!
我: 但係你而家長頭髮喎! 無男仔長頭髮架麻! 所以你著咩都似女仔架!
好彩呢句work! 囡囡聽完即刻開心番!
吾係又有排煩喇!

點解我個女咁貪靚架! 又係遺傳呀？哈哈

適應期

今日問囡囡, 返學開吾開心呀?
囡囡好冷漠咁答: 開心...
我: 無同小朋友玩咩?
女: 無, 我鍾意自己玩! 佢地都吾同我玩既! d小朋友都吾鍾意我, 仲fing開我隻手...
我: 係未你太熱情, 嚇親人呀?
女: ...
我: 咁有無同小朋友傾計?
女: 返學吾準傾計架! 要聽老師講野!
我: 咁你鍾吾鍾意番學?
女: 鍾意, 因為有卡通睇
我: 你係未鍾意返學前班多d?
女雙眼發光: 係呀!
我: 但係你大個女要返幼稚園, 無得再返學前班喇!
女: ...

我諗佢仲未習慣返學, 雖然無扭計話吾返, 不過見佢就吾係咁開心, 好似悶悶不樂咁, 今日仲問老師放得學未?

希望佢可以快d適應啦!


加油呀！