一齊返學

自從阿女番學後, 我都堅持每日都要早起一小時同佢一齊返學, 因為返工既我每日可以見到佢既時間真係好少. 阿女都好合作, 一早起身都好少扭計, 係有次話" 今日吾係放假咩? 我好眼瞓喎!" 佢完全道出左我既心聲, 忍吾住答佢" 我都想..." 哈哈!

試過有一次我吾知醒, 攪到阿女遲大到, 果次我真係好內疚, 邊有阿媽吾知醒架...>.<
即刻走去買多個鬧鐘, 而家一響就即刻彈起身, 吾敢再懶床喇!

朝朝個女搭車既時候都古寧精怪

 扮攰...

扮公主笑

落車既時候, 佢一定講一句"咁快到既, 我想坐多陣喎!"

去到學校門我一定會同佢講好多次"今晚見!" 

有次佢答"知喇! 你講左好多次喇!"然後好大聲同我講拜拜!

但係佢一搭入學校, 即刻會變到好斯文, 講早晨細聲到無人聽到, 變得好快...哈哈