煮飯仔

囡囡係煮飯仔迷, 由朝煮到晚,
成日問我地要咖啡定奶茶, 粥定麵麵,
有時答佢粥啦! 佢就會話賣哂喇!
好好笑~

近來仲識扮叫外賣, "喂! 凍奶茶呀吾該!"
過一陣我問佢你吾係叫左外賣咩?
佢竟然答"遲d先送黎呀!"
講到好似真既一樣, 哈哈~

有次睇雜誌見到d蛋糕好靚,
囡囡: 喂! 我要呢個朱古力同埋果個, 媽媽你要吾要呀?
媽媽: 好哇!
囡囡: 媽媽都要呀! 你快d送黎喇! 拜拜!
媽媽不如下次食蛋糕啦！好吾好？
媽媽: 你吾係叫左外賣咩？
囡囡: 扮叫咋...

近來囡囡既新玩具, 壽司煮飯仔

好認真咁制作


完成，仲一定要點鼓油先準食


開餐喇！

吾知係未近來成日玩，
佢日日都同我講好想食壽司呀！
壽司真係好好味架！

OK, 等天氣暖d，就同你食啦！

情人卡

情人節,
囡囡係學前班度整左張卡俾我,
好sweet...

哈哈！d心花哂既, 好難搵啫!
囡囡仲答係呀! 好難搵架, 係未好靚呢?

囡囡, 你既填色技術好豪邁呀!
不過都令到我好開心！
多謝哂！

團拜

囡囡出世之後，團拜變左每年媽媽同一班好朋友新年既指定節目，吾經吾覺，呢三位小朋友已經吾再係bb喇！

第一年


大家仲係bb, 吾係好知對方係邊位,
好少交流...

第二年

Friend左d,
不過當時既囡囡鐘意食多過玩...

今年

大個哂喇!
三位精精靈靈，而家識一齊玩，
又拖手，又錫鍚，一齊跑，
仲會一齊講"咩黎架?"

望住佢地，覺得時間過得真係好快...

再加埋兩位小bb，

仲有就快出世既bb,
下年既團拜一定更加熱鬧呀！

每事問

囡囡進入發問期, 對每件事都好好奇, 日日都問"咩聲呀?" "呢d咩黎架?"
佢不停咁問...我就不停咁答...

好似過年既時候一聽到電視講恭喜發財,
囡囡: 點解要講恭喜發財既?
媽媽: 因為新年囉!
囡囡: 咩係新年?
媽媽: 新年就係...
囡囡: 哦...
過左一陣, 電視又講恭喜發財
囡囡: 點解要講恭喜發財既?
媽媽: =.=...
以上既對答重覆左好多次, 好彩過完年, 吾會再聽到恭喜發財喇! hehe

今晚阿女又搵到新野...
囡囡: 呢d咩黎架?
媽媽: 係塊鏡既反光黎架...
囡囡: 咦! 係喎...
然後好滿足咁玩左一陣!

我慶幸囡囡有顆好奇心, 每事問係好好, 不過...

可吾可以次次問吾同既問題呢?
對我黎講呢件又係一個耐性既訓練, 其實我好怕重覆又重覆架!

兔年

兔年到~

今年有靚靚水仙同埋囡囡既小白兔揮春~

加埋又係囡囡既益力多金魚，好靚，
不過咁復雜，吾知囡囡參與左邊度呢？

希望兔年囡囡少d扭計，多d甜甜既笑容~

而冼宅仍會繼續加油，
終有日可以苦盡金來！

祝大家兔年快樂！
全年行好運^^

男人好壞

今晚睇電視既時候
囡囡好惱咁問:點解要殺姐姐呀?
我: 因為佢係壞人...
囡囡: 姐姐好多血呀? 點解既?
我: 因為壞人打佢囉!
囡囡: 男人...真係好壞!
我: 吾係! 電視劇入面個d做戲架咋! 假架! 吾係全部男人都壞架!

不過囡囡又完全無聽我既PG家長指引, 吾怪之得佢咁驚男人啦!