我要著裙

今日趁囡囡未起身, 同爸爸一早去睇早場, 囡囡係屋企等我地既時候, 嫲嫲話佢企係門口望左好多次, 問左好多次, 睇下我地番黎未。

一見到我地返到, 佢興奮到通屋走, 好好笑....

不過之後又係因為著衫問題, 扭到七彩, 仲俾我打左獲金。

真係吾明著咩衫出街又有咩所謂呢? 而家去邊都話要著裙, 褲都吾肯著, 著黎著去都係果幾條裙, 佢吾鍾意既衫, 就求佢都吾著, 仲要狂發癲, 情願無街去都吾著。有時連瞓覺衫都要揀, 攪到我頭都痛！

次次我放假都係咁, 一早講好都無用, 係都要又扭又鬧, 攪成個鐘先出到去。唉! 真係俾佢激死!

點解我個女會咁架? 不過我記得我細個就因為吾肯著裙出街, 扭計攪到俾人打, 估吾到我個女竟然同我一樣...無奈...

我知俾婆婆或者姨媽佢地知道, 一定會講"報應"呀!

呢件衫我都講左好耐佢先肯著，佢覺得件衫吾夠長，吾係裙喎!