電視迷

有晚囡囡突然跪左係地度好怕羞咁同我講: I Love You.... 我呆左 ... 求婚？

有晚囡囡用張被包住個頭講: 媽媽! 我結婚喇! 我笑住咁答: 咁快, 你未到三十歲都吾好結婚呀! 囡囡: 點解呀? 我想結婚呀...其實你知吾知結婚點解架?

囡囡有次同爸爸玩緊打功夫既時候: 我打你, 你係男人... =.=

有晚難得地可以同囡囡睇哂成套愛情電影, 雖然佢不停咁問: 佢做咩? 點解咁既? 佢去邊呀? 不過我都叫做可以坐定定睇完套戲, 而囡囡睇完既評論係: 呢套戲幾好睇, 都無打交... 我笑左好耐

有時遇到d咀咀鏡頭, 我又吾想吾俾佢, 驚會仲加添佢既好奇心, 不過佢次次睇完, 都會即刻走埋我度又要咀咀, 仲要學足表情... 我有d驚

阿女你真係一個電視迷呀! 可能因為胎教既時候我成日煲日劇啦!

放心, 我地有PG家長指引架!
應該吾會學壞, 不過就老積左d囉...=.="