幼稚園面試

下次年就讀k1既囡囡, 同佢搵左三間幼稚園, 第一間已經收到通知, 上午班後備...=.=＂

第二間亦係我覺得最好既一間, 爸爸要凌晨五點去排隊拎報名表, 而嫲嫲亦要排個幾鐘先交到報名表, 可想而知呢間幼稚園有幾多人想入去讀...


囡囡係呢間既面試亦尚算ok, 有答老師問題, 又肯講早晨同拜拜, 不過就有一盒紙包奶吾識, 因為佢真係未飲過果隻牌子既牛奶, 而牙刷就位小姐玩野, 老師問佢牙刷刷邊, 佢就剩係指坐自己個咀話呢度, 問左好多次先肯講牙...我係出面真係睇到好肉緊!

至於最後一間, 就...唉...問咩都吾願答, 肯答既又好細聲, 仲吾望住老師答問題, 剩係望住我...

今個月尾就知結果, 希望會收囡囡啦! 祝囡囡好運!