囡囡與我

今日看到原來最關心人, 最體貼人, 最識照顧人既星座第一名係雙子座。
咁囡囡未有三好囉!

其實我也覺得囡囡好識睇人面口, 對住吾同既大人, 佢既表現都會好吾同。

至於佢對我就係...

當我吾開心既時候,
佢會問"媽媽吾開心呀?不如一齊食糖糖啦!"
其實係佢想食咋麻...

當我惱既時候, 佢會話"好煩呀?睇書書啦!"

當我呆呆地既時候, 佢會話"媽媽我好掛住你呀!"
然後好大力咁攬住我錫...

見我悶悶地既時候, 佢會話"影相啦! 影我啦! 咁樣靚吾靚?"
然後整個笑樣出黎俾我影!

當我同佢講道理既時候, 佢會答" 知道" "sorry" 同埋"痾豬豬呀!"
次次都會借尿頓!

當我鬧佢既時候, 佢會...
緊係大喊啦! 然後走去爸爸度搵人救...

當我笑佢既時候, 佢會重覆個令我笑既動作, 然後問"好好笑呀?哈哈"

當我開心既時候，佢有時就會好high，同我一齊癲。
但係有時就趁住我心情好，可以恰下，會扭下計，係咁挑戰我EQ。

囡囡你對我真係好好呀! 哈哈


呢個就係佢扮野想我笑番既樣！

中秋節快樂

今年中秋, 囡囡病病地，個人呆呆地！
好彩仲食得，玩得！
一家人應下節玩下燈籠，食下月餅！
都好開心呀！

囡囡第一個係學前班整既燈籠。
佢話媽媽個燈籠我整架！好靚呀！
個樣仲好自豪添！

有了囡囡，中秋變得更快樂！

3首飲歌

食完月餅心情好, 唱下飲歌先,
加埋打拍子, 囡囡好似賣藝咁呀!

公主架到

囡囡好鍾意呢首歌, 晚晚都會跟住唱~



佢好似好鍾意呢d旋律既歌, 會吾會老土左少少呢? 哈哈

太陽伯伯

囡囡第一首係學前班學既歌仔~

太陽伯伯, 太陽伯伯,
你去左邊? 你去左邊?
快d出黎, 快d出黎,
歡迎我~ 歡迎我~

(係未應該歡迎你先啱呢?)



囡囡而家識唱歌喇! 好開心! ^^

碌波波

囡囡第一次碌波波, 吾係...應該係拋波波!



睇佢玩得幾開心^^

跑呀~~

睇睇下電視, 囡囡悶悶地,
要我扮俾隻腳佢聞, 扮驚係咁跑!!
呢個遊戲傻得黎又有d核突,
但係呢位小朋友跑得好開心, 係咁尖叫~~



跑到悶, 仲要爸爸陪佢跑, 就咁玩左一晚^^

驚驚

今日落大雨, 無得去街玩, 諗住租碟返屋企睇。

爸爸搵緊碟, 囡囡就攪攪震, 吾小心整跌左隻vcd落地, 成盒散唒,
佢即刻好驚走黎攪住我, 咁我緊係要去執返同埋話佢兩句啦!
咁啱有位男sale經過...

囡囡驚到面都青埋,
攬住我講: 返屋企喇!
媽媽: 吾去睇玩具喇!
囡囡: 吾睇喇! 返屋企...
媽媽: 吾去買糖糖?
囡囡: 吾要...抱抱...
哈哈! 我忍吾住大笑, 同佢講: 吾駛驚, 無事架! 下次小心d啦!
(係呢個時候, 個男sales又係我地身邊經過)
囡囡即刻郁都吾敢郁, 面都青埋,
佢個樣真係好好笑!

最後囡囡驚住走, 而我同爸爸就笑住走!

究竟佢係驚俾人鬧? 定係驚個男sales呢?


呢位小朋友真係好細膽!

學前班

同囡囡轉左學前班, 而家返逢一, 三, 五早上兩小時,
同幼稚園無咩分別, 係人小d同埋吾駛著校服。

轉左新地方, 囡囡都好快適應,
仲開心左, 日日都想返學, 又成日叫住老師個名。
不過我就吾清楚佢上堂既情況, 剩係知道有唱歌,
睇flash卡, 玩玩具, 去toilet同埋有餅餅食...

夜晚問囡囡返學開吾開心, 佢次次都答好開心,
有小朋友, 有老師, 仲有餅餅食咁...

而家囡囡吾再做夜鬼, 夜晚早瞓左,
有次仲同爸爸講: 我瞓覺喇! 聽日返學呀! 早抖!

諗住遲下同囡囡返埋一至五,
等佢下年返k1都可以快d適應先!


我返學喇！

聞歌起舞

好耐無睇囡囡跳舞喇!
而家識怕羞成日吾肯跳, 不過佢今晚心情好, 跳得好投入^^



跳慢歌~
跳完仲識鞠躬添!



跳快歌~
擺哂pose, 仲好睇過電視呀!

囡囡吾好怕羞啦!
唱多d歌, 跳多d舞俾我睇仲好啦!^^

幾首唐詩

究竟囡囡真係識得睇唐詩卡,
定只係認得卡上面d公仔呢??



緊係只係認得d公仔啦!
傻豬扮識睇字咋, 哈哈~