揀戲睇

同囡囡去揀碟睇, 當佢見到d封面係開心樣,
就會話睇呢隻啦! 開心d呀! 笑架!
我地揀果d就話都吾好睇既, 咁慘...=.="



囡囡, 媽媽希望你日日都會開心d~
身邊既人都一齊開心d~

讀唐詩

經過姨姨既悉心教學,
囡囡而家識得背5首唐詩喇!
囡囡好鍾意讀詩, 仲會讀到有聲調, 好投入咁!
有次佢拎住張卡望住背, 我真係以為佢識睇,
原來佢只係認得d公仔, 嚇得我吖~

口甜舌滑

吾知係未因為囡囡食得糖多呢? 越大越口甜舌滑, 氹到d大人好開心~

囡囡會攬到我好實, 然後講我好鍾意媽媽呀!
同嫲嫲就會講 "我係嫲嫲既乖孫女!"
同姨媽就會講 "姨媽, 我好掛住你啊!"
不過就同我講 "媽媽, 我好想掛住你呀!"

聽到姨媽咳咳就好緊張咁講 "姨媽咳咳呀! 食藥啦! 睇醫生啦! 快d好番啦!"

今晚我放工番到屋企同佢玩, 佢話"都係同媽媽開心d~"

不過爸爸就慘d, 叫囡囡kiss啖先, 點知囡囡答 "你個嘴好臭呀! "
吾好意思, 我聽完忍吾住大笑! 哈哈

iphone4

終於有iphone喇!
一部機滿足哂我既喜好, 聽歌, 睇戲,
打機, 睇書, 上網, 寫blog...

最重要既係而家去到邊都可以同囡囡影相,拍片~
吾駛次次都拎部大機,
仲有effect玩下, 真係好正!
有d環境, 拎住部大相機影相, 感覺好誇張,
而家係茶餐廳影相都變得好自然喇!

一齊笑

今晚媽媽心情down down地,
不過囡囡就好high, 未停過...
媽媽: 囡囡, 你可吾可以靜少少?
囡囡呆左一陣望住我,
然後好大聲咁唱: A~B~C~D~E~F~G~~~
媽媽忍吾住大笑,俾囡囡激到好好笑!!
囡囡見我笑得咁開心, 佢都好開心!
然後我地一齊笑左好耐, 囡囡仲係咁唱A~B~C~
哈哈哈! 囡囡多謝你呀! 媽媽開心番喇!

小朋友真係開心, 簡簡單單~
我都要向囡囡學習下, 無謂想太多,
見步行步, 簡簡單單算了!

當處於逆境既時候, 還是順應天意吧!

囡囡有時會整d古靈精怪樣黎引我笑,
今次佢扮緊兔仔...哈哈哈

食藥水

氹又吾肯, 鬧又吾肯, 打都吾肯,
最終要用扮走吾理佢先肯食一啖藥,
食完藥既囡囡竟然答我:吾苦喎!
一早都話吾苦架啦! 無端端喊左半個鐘,
你話你係未傻豬先!

記住下次吾好喇!

公公

囡囡, 今日公公走了, 他已去了另一個世界。
雖然你們相處既時間好短,
但我希望你知道公公是很愛你的~
你公公是一位喜歡玩樂, 喜歡新奇事物, 尤其係新科技...
媽媽既性格同公公好相似, 大家都係坐吾定既人,
或者因為我地有相同既星座啦。

囡囡以往在公公懷抱, 笑得好開心~
當日公公都笑得好開心!

雖然媽媽好掛住公公, 不過人總要一走, 無辦法, 這就是人生!
只希望公公現在快樂, 將來可以係天國再遇!

爸爸, 永遠懷念你!

老積妹

囡囡越大越老積, 好鍾意學大人講野,
不過就好既吾學, 衰既學哂。

尤其係助語詞, 之前既"黐線"啱啱先教到佢吾再講,
而家又黎"攪錯", "攪笑", 仲有係電視學到既"8婆",
不過經過我地既嚴厲聲明之後, 佢已經知道吾啱,
當然有時都會吾記得, 要我地不停咁糾正。

我想令佢知道大人同小朋友既說話方式係吾同,
邊d啱, 邊d錯, 要慢慢教, 吾明教到佢明。

我覺得就算家人講野好小心, 吾俾佢睇電視,
佢都有機會係街度聽到大人傾計, 返學可能又會學到,
所以令佢懂得分辯對錯呢點好緊要。

慢慢教啦!!