吾好睇呀!

今晚當我抱住個女睇電視既時候,
佢係咁撩我玩我都無咩理佢,
眼尾都見到佢惱惱地咁睥住我架喇!
終於佢忍吾住大叫「吾好睇呀!」
我問佢:「吾準睇電視, 要望住你呀?」
囡囡:「係呀!」
我再問:「點解先?」
囡囡:「吓...吾好睇電視呀!」
「媽媽...」

阿大小姐, 啱啱未同你玩完囉!
俾我睇一陣電視啦!

算啦! 算啦!

囡囡整趺左野落地, 就望住我講:「算啦! 算啦!」

囡囡係咁揼玩具落地, 我鬧佢, 佢又望住我講:「算啦! 算啦!」

當爸爸媽媽睇電視, 睇到最肉緊既時候, 佢次次都會話要痾豬豬,
爸爸話:「乜你次次都係咁架! 」
囡囡好無耐咁望住爸爸:「算啦! 算啦!」
爸爸媽媽即時爆笑, 囡囡亦係呢個時候放左水落尿片到喇!

吾知佢係邊度學番黎架呢! 算啦! 算啦!

南生圍遊

好耐無去郊遊喇!!
今次同一班朋友, 仲有3位小bb,
真係好好玩呀!!
我地分成兩team, 大人踩單車,
小朋友同家長就行路入, 時間又夾到喎!

一去到緊係同佢地影張合照先,
終於影到佢地3個第一張合照, 睇下佢地幾friend!

阿女同謙謙仲做左我地既model,
被逼擺pose俾我地影...
樂樂就有d怕羞, 只係肯遠望...

好鍾意呢張, 真係好sweet呀!!

仲咀咀添呀! 阿女個樣做咩咁投入...@.@

連吹波波都要捉住人!!

今次d相影得好靚, 又玩得好開心, 係時間就短左d...
雖然有人抄單車, 包括我在內,
不過原來咁就可以化左個血光之災...
哈哈! 咁又ok喎!

扭pat pat

同囡囡玩扭pat pat, 起飛腳...
最終玩到飽都跌埋, 哈哈~

傾電話

囡囡成日係屋企扮打電話俾姨媽,
今晚俾佢傾一陣啦!!



睇佢傾得幾認真, 仲表情多多, 好好笑!!

不過有時我返工打電話搵佢,
個衰女次次都吾願睬我既, 傾兩句就走左架喇!
好偏心呀!! >.<

傻豬

為左一條蝦條, 喊到咁...值得咩?
你病病仲未食得麻,
俾你大個睇番, 你都一定會覺得自己好傻瓜!!
哈哈

跳慢舞

睇下囡囡跳舞有無進步到?



今次係慢歌, 扭下pat pat, 擺下pose, 好好笑~

囡囡話VI

電視裡既女主角喊，囡囡：「姐姐喊呀！」
媽媽：「係呀！咁點算？」
囡囡：「醫生...」
媽媽：「醫生？要睇醫生架？」
囡囡：「係呀！慘慘！醫生呀！」

囡囡：「1..2..3..4..6..7..9..10..」
媽媽：「點解無5同8既？佢地去左邊？」
囡囡：「廁所唷！」
媽媽：「吓！去左廁所？」
囡囡：「係唷！痾豬豬呀！」

戴臭臭

睇睇下電視, 個傻豬無端端拎條褲當帽戴,
仲話係爸爸條臭臭, 哈哈~

滑梯

囡囡好鍾意sir滑梯, 去到公園咩都吾肯玩,
剩係肯sir滑梯...

我一直都好想個女郁多d,
但係我又吾可以成日帶佢去公園跑,
咁啱係網上見到呢個滑梯好平, 即買...



囡囡好鍾意呀! 成晚爬上爬落,
雖然d動作係慢d, 不過總好過吾郁啦!

吾知點解, 我吾係好想個女大個會好肥...
其實係我個人問題黎既, 雖然我都俾人鬧過好多次,
不過我個心就真係吾想....

我覺得有運動既人, 身心成長都會健康d~

囡囡話V

返到屋企，媽媽：「囡囡自己除鞋啦！」
囡囡一臉無耐：「吓！除吾到呀！」
忍吾住笑的媽媽：「係喎！吾好意思！」

媽媽：「無錢喇！」
囡囡：「有呀！」
媽媽：「你有？咁囡囡俾錢我！」
囡囡：「好哇！」跟住即刻去枱面搵
囡囡：「咦！無左！俾左你啦！」

爸爸：「你做咩呀？」
媽媽惱住答：「無嘢！」
爸爸再問左好多次之後...
囡囡終於忍吾住：「爸爸！無嘢呀！」
大家即刻笑番！

囡囡：「哈片好睇唷！」
媽媽：「咩係哈片？」
囡囡指住電視：「哈片好好睇！」
媽媽扮明白：「係呀！」
幾日後我先知原來哈片即係卡通片...

過完年，囡囡忽然間講多左好多，
有時仲會笑死我地添！

傻妹囡囡

囡囡次次係鏡頭度見到自己都好開心, high到爆~



今日仲識得講自己個名添呀!!
不過囡囡有時講野真係好大聲...^^

新年後遺症

新年期間, 囡囡食片片, 糖糖, 汁汁同埋朱朱, 食到上左癮...

新年過後, 每日都必定會聽到...
囡囡：「爸爸, 片片...」
爸爸：「無喇! 俾你食哂喇!」
囡囡指住枱面：「有呀!」
爸爸：「吾食喇! 再食變肥妹架喇!」
囡囡：「係呀!」
媽媽：「肥妹...肥妹...」
囡囡：「你肥...」
媽媽：「我肥! 咁爸爸肥吾肥?」
囡囡：「肥呀...哈哈」
囡囡：「爸爸, 糖糖...」
爸爸：「......」

自拍

當囡囡發現係鏡頭度見到自己之後...



即刻變左傻婆, high哂!!^^