自己行

同囡囡連續去左幾日街之後...
媽媽: 我對手都好痛呀, 你知吾知點解?
囡囡好吾好意思咁答: 因為抱...

今晚放工返屋企抱起佢...
囡囡問: 你隻手仲痛吾痛呀?
即刻心都甜哂既媽媽答: 吾痛喇!
囡囡: 哦! 原來出街抱先會痛...

其實囡囡都知自己重，大人抱會辛苦！以兩歲既佢黎講，已經叫做行多好多路架喇！有時大人都覺得攰，佢都仲肯自己行！如果有糖食，仲會行得耐d同開心d添！

有時見到街上幾歲既小朋友仲坐緊bb車，我就會覺得吾應該咁遷就d小朋友，點解吾叫佢自己行，咁細就舒服慣咁大d點算！我寧願行街要鬧囡囡，逼佢要自己行，又或者自己抱佢，都好過佢成位小姐咁，出入要坐車...

我成日同囡囡講: 對腳生出黎係用黎行路，bb吾識行先要抱，你識行路，你係小朋友，吾係bb黎架麻！
囡囡而家都會同人講: 我係小朋友，吾係bb，我識自己行架！
講到自己好叻咁！哈哈