荃灣遊

星期日見好天, 諗住同囡囡去公園跑下, 做下運動!
點知去到囡囡咩都吾肯玩, 咩都話驚, 仲係咁扭計!
當時個太陽係猛左d又熱左d既, 不過都吾駛喊到咁大聲哇!
激屎我呀!

初時惱到想即刻返屋企, 不過爸爸話咁遠黎到吾好咁快走,
唯有去商場啦! 行行下又見到冒險樂園, 仲要有波波池,
囡囡緊係要玩啦! 入到去先識笑既囡囡,
越玩越開心, 仲同我講我鍾意玩呢度多d!


衰女! 要錢又限時既, 你就話好玩! 吾駛錢既公園, 你就話驚!
一樣都係滑梯, 點解公園果個驚d呢?
真係會完全吾明你呀!

好辛苦先叫到囡囡離開波波池, 諗住買棉花糖俾佢等佢開心下,
點知囡囡見到個棉花糖咁大, 竟然好驚, 叫左好耐先肯試一啖...

食過先知好味, 不過都要細左先肯自己拎喎!

後來天陰左, 我地又行番去公園

終於可以跑一陣喇!

仲影到靚相^^

不過大小姐已有倦意, 跑一陣就惱一陣, 影一陣又要氹一陣!
仲要俾糖糖同茶茶, 先keep到個開心mood...

今日囡囡真係好難服侍呀!!