學前班

同囡囡轉左學前班, 而家返逢一, 三, 五早上兩小時,
同幼稚園無咩分別, 係人小d同埋吾駛著校服。

轉左新地方, 囡囡都好快適應,
仲開心左, 日日都想返學, 又成日叫住老師個名。
不過我就吾清楚佢上堂既情況, 剩係知道有唱歌,
睇flash卡, 玩玩具, 去toilet同埋有餅餅食...

夜晚問囡囡返學開吾開心, 佢次次都答好開心,
有小朋友, 有老師, 仲有餅餅食咁...

而家囡囡吾再做夜鬼, 夜晚早瞓左,
有次仲同爸爸講: 我瞓覺喇! 聽日返學呀! 早抖!

諗住遲下同囡囡返埋一至五,
等佢下年返k1都可以快d適應先!


我返學喇！