口甜舌滑

吾知係未因為囡囡食得糖多呢? 越大越口甜舌滑, 氹到d大人好開心~

囡囡會攬到我好實, 然後講我好鍾意媽媽呀!
同嫲嫲就會講 "我係嫲嫲既乖孫女!"
同姨媽就會講 "姨媽, 我好掛住你啊!"
不過就同我講 "媽媽, 我好想掛住你呀!"

聽到姨媽咳咳就好緊張咁講 "姨媽咳咳呀! 食藥啦! 睇醫生啦! 快d好番啦!"

今晚我放工番到屋企同佢玩, 佢話"都係同媽媽開心d~"

不過爸爸就慘d, 叫囡囡kiss啖先, 點知囡囡答 "你個嘴好臭呀! "
吾好意思, 我聽完忍吾住大笑! 哈哈