天空

囡囡好鍾意望天空,
閒時悶悶地會搬張櫈仔坐係門口睇!

朝早瞓醒
囡囡:「睇下! 好天呀! 太陽伯伯...好靚呀!」
媽媽問:「有無雲先? 」
囡囡:「有呀! 行...行..行.. bye bye!」
媽媽又問:「天空咩色架? 」
囡囡:「吓...紅色...」
媽媽笑:「藍色呀! 傻豬!」
囡囡細細聲答:「藍色...」

但係一落雨, 佢就會好緊張,
重覆咁講:「落雨呀! 擔摭喇! 濕哂呀! 抹抹! 慘喇!」

夜晚又會望個天, 大叫:「睇下,月亮呀!」
媽媽:「係喎! 月亮喎!」
囡囡:「好靚呀! Hello!」
媽媽:「睇下果度, 有星星呀!」
囡囡係咁望:「吓...無喎!」
媽媽:「呢...果度呢!」
囡囡搵到之後大叫:「係呀! 好靚呀! 閃閃閃!」

囡囡, 其實媽媽都好鍾意望天空架!^^