扭計

囡囡近來真係好扭計，一吾鍾意就喊，仲要喊到好慘，好大聲！係都要我地屈服！

好似今日出街佢仲第一次扭到瞓地添，只係因為佢係街見到件大人衫，想即刻著，緊係吾得啦！佢就發哂癲係咁大聲喊，真係激到我噴火呀！條街又好多人、個個都睇戲咁！攪到我吾敢打佢，驚俾人告麻！講佢又吾聽，要好似癲婆咁鬧佢先會驚肯收聲！

返到屋企，我話囡囡你好扭計喎！咁點算先? 佢仲好天真咁答: 算啦!算啦!

呢幾日假期，我每日都至小要癲2次，癲完仲要同佢講道理，俾佢攪到我情緒起伏都好大下，攰爆呀！ 聽d朋友講呢個先係開始，2至3歲既小朋友係好煩，好扭計...吓！咁未仲有排癲！...不過都係算啦!算啦!